2025-yil 14-apreldan Toshkent arxitektura-qurilish universiteti “Bino va inshootlar qurilishi” kafedrasi sirtqi ta’lim yo‘nalishining 3- va 4-kurs talabalari uchun malakaviy (o‘quv texnologik va ishlab chiqarish) amaliyotlari boshlandi. Amaliyot doirasida 3-kurs talabalari Toshkent shahri Yunusobod tumani Yangi shahar ko‘chasida qurilayotgan Avtoturargoh binosi hamda qurilishi yakunlanmagan Jamoat binosining qurilish jarayonlari bilan tanishdilar. 4-kurs talabalari esa “Renessans” turar-joy majmuasida olib borilayotgan qurilish ishlarida bevosita ishtirok etmoqdalar. Ushbu majmua 5 qavatli zamonaviy turar-joy binolaridan iborat bo‘lib, amaliyot davomida talabalar loyihaning barcha bosqichlari bilan tanishmoqda. Mazkur amaliyotlar talabalarning nazariy bilimlarini mustahkamlash, sohadagi amaliy ko‘nikmalarini rivojlantirishga xizmat qiladi.