Seminar Muhandislik fakulteti dekani D. Xoliqov, O‘quv-uslubiy boshqarma bosh mutaxassisi Z. Tagayev hamda “Muhandislik kommunikatsiyalari” kafedrasi mudiri D. Maxmudova boshchiligida tashkil etildi.

Mazkur seminarlar TOP-300 reytingidagi yetakchi xorijiy oliy ta’lim muassasalarining ta’lim dasturlari asosida universitet o‘quv dasturlarini maqbullashtirish, xalqaro tajribani o‘rganish va ta’lim sifatini oshirishga qaratilgan.

Seminarda Polsha Respublikasida joylashgan Belostok Oliy iqtisodiyot universiteti professori — Leх Dzenis ishtirokida  bir marotabalik o‘tkazildi.

Professor Leх Dzenis:

• PROEKO va BSK BIOGEST kompaniyalari rahbari,
• Belostok Oliy iqtisodiyot universiteti rektorining maslahatchisi,
• Suv resurslarini boshqarish bo‘yicha xalqaro ekspert,
• Belostok Texnologiya universiteti prezidenti hisoblanadi.

Seminarlar jarayonida:

• muhandislik ta’limida zamonaviy yondashuvlar,
• o‘quv dasturlarini xalqaro standartlarga moslashtirish,
• ilm-fan, innovatsiya va amaliyot integratsiyasi masalalari muhokama qilinadi.

Ushbu seminar professor-o‘qituvchilarning kasbiy salohiyatini oshirish, xalqaro tajribani o‘rganish va universitet ta’lim jarayonini yanada takomillashtirishda muhim ahamiyat kasb etadi.