Uchrashuv davomida talabalar bilan samimiy suhbat o‘tkazilib, imtihonlar jarayoni qanday kechayotgani, o‘qishga tayyorgarlik, yashash sharoiti va dam olish imkoniyatlari muhokama qilindi. Talabalar o‘z fikrlarini bildirib, imtihonlar belgilangan tartibda va muammosiz o‘tayotganini aytishdi.

Shuningdek, yong‘in xavfsizligini ta’minlash, gaz va isitish qurilmalaridan to‘g‘ri foydalanish bo‘yicha amaliy tavsiyalar berildi. Talabalar yuzaga kelishi mumkin bo‘lgan muammolar va takliflarini bildirdi, ijara beruvchi xonadon egalari bilan ham muloqot o‘tkazilib, sharoitlarni yanada yaxshilash bo‘yicha fikr almashildi.

Rektor talabalarni qo‘llab-quvvatlash, ularning xavfsiz va qulay sharoitda yashashini ta’minlash bo‘yicha universitet tomonidan barcha choralar ko‘rilayotganini ta’kidladi.