Toshkent arxitektura-qurilish universiteti hamkorlik to‘g‘risidagi bitim ijrosini ta’minlash, shuningdek, o‘zaro ilmiy-amaliy aloqalarni yanada rivojlantirish maqsadida “O‘zbek va xorijiy tillar” kafedrasi tashabbusi bilan G.V. Plekhanov nomidagi Rossiya Iqtisodiyot Universiteti bilan online vebinar o‘tkazildi.

Tadbirda Menejment fakultetining 2-bosqich 57-24, 60-24 hamda 1-bosqich 44-25, 46-25 guruhlari talabalari faol ishtirok etdilar. Vebinar ma’ruzasini mazkur universitetning Oliy ijtimoiy-gumanitar fanlar maktabi chet tillar kafedrasi lektori Armine Eduardovna Grigoryan ingliz tilida olib bordi.

Vebinarda quyidagi mavzularda dolzarb ma’ruzalar taqdim etildi:

“What Marketing Mix Models Show Advertisers”

“The Most Effective Advertising Techniques in Digital Era”

Tadbir davomida talabalar amaliy mashg‘ulotlarda yuqori faollik ko‘rsatib, mavzular yuzasidan o‘z fikr-mulohazalarini bildirdilar. Ma’ruzalar global mehnat bozorida raqobatbardosh bo‘lishni maqsad qilgan yoshlar uchun muhim nazariy va amaliy tavsiyalarni o‘z ichiga oldi.

Shuningdek, talabalar zamonaviy boshqaruv, jamoaviy ish, marketing va reklama sohalariga oid xalqaro tajribalar bilan yaqindan tanishdilar hamda ingliz tilidagi ilmiy-amaliy terminlar bilan ishlash ko‘nikmalarini mustahkamlashga erishdilar.