Prezidentimiz tashabbusi bilan yoshlarning bo‘sh vaqtini mazmunli tashkil etish maqsadida amalga oshirilayotgan “Dolzarb 90 kun” loyihasi doirasida “Amaliy kimyo laboratoriyasi” to‘garagida turli laboratoriya ishlari bajarilmoqda.

Xususan, reaksiya tezligiga haroratning ta’sirini aniqlashga doir mashqlar o‘tkazildi. Ushbu laboratoriya ishini har bir talaba mustaqil bajarib ko‘rib, zarur amaliy ko‘nikmalarga ega bo‘ldi. Shuningdek, talabalar matematik mayatnik yordamida erkin tushish tezlanishini aniqlash bo‘yicha ham tajribalar o‘tkazdilar.

To‘garakning navbatdagi mashg‘uloti “Qurilish va atrof muhit muhandisligi” kafedrasining tajribali professor-o‘qituvchilari A. Abduraximov va M. Mavlanovalar rahbarligida tashkil etildi. Unda talabalar “Eritma tayyorlash. Eritmalarning konsentratsiyasini uning zichligi (areometr) orqali aniqlash” mavzusidagi laboratoriya ishini amaliy tarzda bajarib, tajribadan o‘tkazish imkoniyatiga ega bo‘ldilar.