Prezidentimizning tashabbusi bilan yoshlarning bo'sh vaqtini mazmunli tashkil etish maqsadida "Dolzarb 90 kun" loyihasi doirasida talabalar o'rtasida kitobxonlik targ'iboti o'tkazildi va kutubxonalarga tashriflar amalga oshirildi.

Qurilish fakulteti talabalari Shahrisabz shahridagi "Globus Mall"da joylashgan kutubxonaga tashrif buyurdilar. Ushbu tashrif davomida talabalar ko'plab kitoblar bilan tanishishdi.

Shuningdek, Toshkent shahrida joylashgan Alisher Navoiy kutubxonasiga ham borildi. Bu yerda talabalar turli janrdagi adabiyotlar bilan tanishib, o'z bilimlarini kengaytirishdi.

"Dolzarb 90 kun" loyihasi doirasida talabalarni yozgi ta'til davomida o'z uyida  kitob o'qishga jalb qilinmoqda va shu orqali ularning bilim darajasini oshirish va ma'naviy rivojlanishiga hissa qo'shish maqsad qilinmoqda.