Toshkent arxitektura-qurilish universitetida rektor v.v.b. B.A. Tulaganov tomonidan talabalar uchun ma’rifat darsi o‘tkazildi. Tadbirda madaniy-ma’rifiy masalalar, milliy va umumbashariy qadriyatlarning ahamiyati hamda korrupsiyaning salbiy oqibatlari muhokama qilindi. Dars davomida yoshlarga huquqiy madaniyatni yuksaltirish, halollik va adolat tamoyillariga amal qilishning muhimligi ta’kidlandi. Shuningdek, korrupsiyaga qarshi kurash borasidagi davlat siyosati va uning ta’lim tizimidagi ahamiyati haqida batafsil ma’lumot berildi.