Toshkent arxitektura-qurilish universitetida talabalarni soha bo‘yicha yetuk mutaxassis sifatida shakllantirish, ularni amaliyotga yaqinlashtirish va mavjud hamkorliklarni yanada mustahkamlash maqsadida “Penopleks” kompaniyasi mas’ul xodimi Maxmud Jamalov ishtirokida seminar tashkil etildi.

Tadbirda “Qurilish materiallari va konstruktsiyalari texnologiyasi” kafedrasi professor-o‘qituvchilari hamda talabalari faol ishtirok etdilar.

Seminar davomida:

• talabalar egallashi zarur bo‘lgan zamonaviy ko‘nikmalar,
• xalqaro sertifikatlarning shaxsiy va kasbiy rivojlanishdagi o‘rni,
• muvaffaqiyatli karyera qurish uchun muhim omillar kabi mavzular atroflicha yoritildi.

Uchrashuv davomida talabalarning qiziqarli savollariga javob berildi, sohaga oid amaliy tavsiyalar taqdim etildi hamda universitet va sanoat korxonalari o‘rtasidagi hamkorliklarni yanada rivojlantirish istiqbollari muhokama qilindi.