Toshkent arxitektura-qurilish universitetida 1-bosqich talabalari orasidan “Aksilkorrupsiya volontyorlari” guruhi tashkil etildi. Mazkur loyihaning asosiy maqsadi — ta’lim muassasamizda halollik, shaffoflik va adolat tamoyillarini rivojlantirish, shuningdek, yoshlar orasida korrupsiyaga qarshi madaniyatni kuchaytirishdan iborat.

Volontyorlarning dastlabki yig‘ilishida guruhning vazifalari, kelgusidagi rejalari hamda amalga oshiriladigan profilaktik tadbirlar yuzasidan muhokamalar olib borildi. Talabalar tashabbuskorlik bilan, faol va yuqori qiziqish bilan ishtirok etishdi.