Toshkent arxitektura-qurilish universitetining "Arxitektura" fakultetida nufuzli xalqaro mehmon — Malaya universiteti (Malayziya) doktori, professor Dr. Sharyzee Mohmad Shukrini ishtirokida seminar-trening bo‘lib o‘tdi. Ushbu seminar professor-o‘qituvchilar, doktorantlar hamda magistrantlar uchun tashkil etilib, unda ilmiy maqolalarni xalqaro miqyosdagi, xususan, QS reytingidagi jurnal va nashrlarda chop etish jarayonining bosqichlari, maqola yozishning ilmiy-me’yoriy talablari, tahririy jarayon va nashr etish strategiyalari haqida atroflicha ma’lumot berildi. Trening davomida ishtirokchilar o‘zlarini qiziqtirgan savollarga batafsil javob oldilar hamda xalqaro ilmiy hamkorlik yo‘nalishlarida tajriba almashish imkoniyatiga ega bo‘lishdi. Mazkur seminar ilmiy faoliyat samaradorligini oshirish, yosh tadqiqotchilarni ilmiy jurnallarda faol ishtirok etishga yo‘naltirish hamda universitetning xalqaro reytinglardagi o‘rnini mustahkamlashga xizmat qiladi.