Tadbir doirasida Toshkent arxitektura-qurilish universiteti rektori B.A.Tulaganov “Arxitektura va qurilish sohasidagi tadqiqotlar va innovatsiyalar” mavzusida nutq so‘zladi.

Rektor o‘z ma’ruzasida arxitektura va qurilish sohalida olib borilayotgan innovatsion tadqiqotlar, mavjud yangiliklar hamda sohaning dolzarb yo‘nalishlariga to‘xtalib o‘tdi. Shuningdek, so‘nggi yillarda Toshkent arxitektura-qurilish universiteti erishgan yutuqlar, ta’lim sifatini oshirish borasidagi tashabbuslar, hukumat rahbariyati tomonidan ko‘rsatilayotgan e’tibor, universitetga oid qaror va farmonlarning ijrosi haqida batafsil ma’lumot berdi.

Universitetning xalqaro hamkorlik aloqalarini kengaytirish, talaba va professor-o‘qituvchilar uchun yaratilgan shart-sharoitlar, ilmiy-tadqiqot faoliyatining rivojlanishi, hamda universitetni modernizatsiya qilish bo‘yicha ustuvor yo‘nalishlar ham alohida ta’kidlandi.