Toshkent arxitektura-qurilish universiteti rektori v.v.b. B.A.Tulaganov DAAD (Germaniya Akademik Almashuv Xizmati) lektori Johanna Maier bilan uchrashuv bo'lib o'tdi. Tomonlar talabalar, akademik va ma'muriy xodimlar almashinuvi hamda DAAD tomonidan qo‘llab-quvvatlanadigan stipendiya dasturlari bo‘yicha hamkorlik masalalarini muhokama qildilar. Uchrashuv davomida universitet tarixi, tuzilmasi va xalqaro hamkorlik yo‘nalishidagi muvaffaqiyatli tashabbuslar taqdim etildi. Shuningdek, DAAD Germaniyadagi hamkor universitet talabalarini IAFES-2025 TUACE Yozgi maktab dasturiga jalb qilishda yaqindan qo‘llab-quvvatlashini bildirdi. Tomonlar kelgusidagi hamkorlikni yanada mustahkamlash muhimligini ta’kidladilar.