Xabaringiz bor, Oliy taʼlim, fan va innovatsiyalar vazirligi tomonidan 2025-yilning aprel oyi “Muhandislik oyligi” deb eʼlon qilingan. Shu munosabat bilan, ayni vaqtda Toshkent arxitektura-qurilish universitetida press-tur bo‘lib o‘tmoqda. Unda ishtirok etayotgan OAV vakillari universitetda muhandislik yoʻnalishi boʻyicha amalga oshirilayotgan ishlar, erishilgan natijalar, talabalar tomonidan bajarilgan innovatsion loyihalar va ularning ilmiy-amaliy ishlanmalari bilan yaqindan tanishdilar. Press-tur ishtirokchilariga universitetning ishlab chiqarish bilan integratsiyalashgan dual taʼlim dasturlari asosida olib borilayotgan faoliyati, shuningdek, yetakchi qurilish kompaniyalari bilan yoʻlga qoʻyilgan hamkorlik aloqalari haqida ham batafsil maʼlumot berilmoqda.