Toshkent arxitektura-qurilish universitetida korrupsiyaning oldini olish, akademik halollik va talabalarda halollik tamoyillarini shakllantirishga bag‘ishlangan davra suhbati o‘tkazildi.

Tadbirda Muhandislik fakulteti talabalari hamda universitetning Korrupsiyaga qarshi kurashish va komplaens-nazorat tizimini boshqarish bo‘limi vakillari ishtirok etdi.

Suhbat davomida korrupsiyaga murosasiz munosabatni shakllantirish, halol bilim olish, imtihon va topshiriqlarni mustaqil bajarish, plagiat hamda noqonuniy yo‘llar orqali baho olishning oldini olish masalalariga alohida e’tibor qaratildi.

Shuningdek, talabalarga universitetda korrupsiya va manfaatlar to‘qnashuvi bilan bog‘liq holatlar yuzasidan murojaat qilish uchun maxsus aloqa kanallari faoliyat yuritayotgani haqida ma’lumot berildi.