Bugun Toshkent arxitektura-qurilish universiteti rektori Baxrom Tulaganov shaharning nufuzli qurilish kompaniyalaridan biri —“Murat Building” kompaniyasi vakillari bilan uchrashuv o‘tkazdi.

Uchrashuv davomida tomonlar o‘zaro hamkorlikni yo‘lga qo‘yish masalalarini muhokama qildilar. Xususan, kadrlar tayyorlash, tajriba almashish, malakali mutaxassislar yetishtirish hamda ta’lim va ishlab chiqarish integratsiyasini kuchaytirishga qaratilgan hamkorlik yo‘nalishlari ko‘rib chiqildi.

Yakunda tomonlar kelgusida o‘zaro manfaatli hamkorlikni rivojlantirish bo‘yicha kelishuvga erishdilar.