Toshkent arxitektura-qurilish universitetida Qurilish va uy-joy kommunal xo‘jaligi sohasida nazorat qilish inspeksiyasi rahbari boshchiligida "Rahbar va talabalar uchrashuvi" bo‘lib o‘tdi. Uchrashuv davomida inspeksiya rahbari talaba-yoshlar bilan ochiq va samimiy muloqot o‘tkazib, ularni qiziqtirgan savollarga batafsil va asosli javoblar berdi. Tadbirda universitet rahbariyati, professor-o‘qituvchilar, soha mutaxassislari hamda ommaviy axborot vositalari vakillari ishtirok etdi. Muloqot jarayonida qurilish sohasidagi amaliy ishlar, davlat nazorati mexanizmlari, kadrlar salohiyatini oshirish, yosh mutaxassislarni tayyorlash va ularni sohaga samarali jalb etish masalalari atroflicha muhokama qilindi. Xususan, “Kadrlar tayyorlash milliy dasturi” doirasida olib borilayotgan tizimli ishlar, talabalar bilim va ko‘nikmalarini amaliyot bilan bog‘lash muhimligi alohida ta’kidlandi. Shuningdek, inspeksiya faoliyatining ustuvor yo‘nalishlari, uning huquqiy asoslari, sohaga oid islohotlar hamda raqamli nazorat usullari yuzasidan ham batafsil ma’lumotlar taqdim etildi.