Oʻzbekiston Respublikasi Oliy taʼlim, fan va innovatsiyalar vaziri oʻrinbosari Otabek Mahkamov rahbarligidagi yurtimizning 13 ta oliy taʼlim muassasasi vakillaridan iborat delegatsiya Xitoy Xalq Respublikasining Qishloq xoʻjaligi fanlar akademiyasi qoshidagi Shahar qishloq xoʻjaligi institutiga tashrif buyurdi.

Institut shahar muhitida barqaror va yuqori texnologik qishloq xoʻjaligini rivojlantirishga ixtisoslashgan boʻlib, intellektual bogʻdorchilik, agrobototexnika  (yaʼni qishloq xo‘jaligida robototexnika vositalaridan foydalanish), qoʻziqorin yetishtirish, vertikal dehqonchilik hamda bioenergetika sohalarida ilmiy tadqiqotlar olib boradi.