2025-yil iyun oyida Ilmiy tadqiqot va innovatsiyalar bo‘yicha prorektor D.Mirjalilova Minsk shahridagi Belarus Milliy Texnik Universitetida tahsil olayotgan o‘zbekistonlik talabalar bilan uchrashdi va sayyor qabul o‘tkazdi.

Uchrashuvda talabalarining ta’lim jarayoni, ular uchun yaratilgan shart-sharoitlar, yuzaga kelayotgan muammolar va bildirgan takliflar muhokama qilindi. Shuningdek, talabalarni ilmiy tadqiqot ishlariga jalb etish, ularning innovatsion g‘oyalarini qo‘llab-quvvatlash hamda O‘zbekiston oliy ta’lim muassasalari bilan hamkorlikni rivojlantirish masalalari yuzasidan fikr almashildi.

Prorektor D.Mirjalilova talabalarni samarali ta’lim olish, ilmiy izlanishlarda faol ishtirok etish va Vatanga munosib kadr sifatida qaytish bo‘yicha tavsiyalar berdi hamda ma’naviy jihatdan qo‘llab-quvvatladi.

Uchrashuv samimiy va ochiq muloqot ruhida o‘tdi hamda talabalarida katta taassurot qoldirdi.