Bugun Toshkent arxitektura-qurilish universiteti hamda Koreyaning Dong-A universiteti o'rtasida  ilmiy hamkorlik memorandumi imzolandi. Mazkur kelishuv ikki oliygoh o‘rtasidagi ilmiy-innovatsion aloqalarni yanada mustahkamlashga xizmat qiladi.

Uchrashuv davomida tomonlar qo‘shma ilmiy loyihalarni amalga oshirish, professor-o‘qituvchilar va talabalar almashinuvi dasturlarini yo‘lga qo‘yish, xalqaro grantlarda ishtirok etish, ilmiy maqolalar chop etish kabi ustuvor yo‘nalishlarda hamkorlik qilish masalalarini muhokama qildilar.

Shuningdek, Dong-A universiteti vakillari Toshkent arxitektura-qurilish universiteti talabalari bilan uchrashib, Koreyada ta’lim olish imkoniyatlari, grantlar, ilmiy-tadqiqot va muhandislik yo‘nalishlaridagi dasturlar haqida batafsil ma’lumot berdi.