Toshkent arxitektura-qurilish universitetida rektor B. Tulaganov hamda “OPTIMAL ARCHITECT GROUP” MChJ direktori A.A. Yangiyev o‘rtasida uchrashuv bo‘lib o‘tdi.

Uchrashuv yakunida tomonlar o‘rtasida o‘zaro hamkorlik to‘g‘risidagi memorandum imzolandi.

Muzokaralar davomida quyidagi yo‘nalishlar bo‘yicha kelishuvga erishildi:

✅ “Iqtisodiyot va ko‘chmas mulk” kafedrasi filialini tashkil etish;

✅ talabalar uchun amaliyot o‘tash va ishga joylashish imkoniyatlarini yaratish;

✅ yuqori natijalarga erishgan talabalar uchun kompaniya stipendiyalarini joriy etish;

✅ dual ta’lim tizimi asosida ishlab chiqarish amaliyotini loyihalash jarayonlari bilan integratsiya qilish.

Memorandumga muvofiq, bitiruvchi kurs talabalari zamonaviy texnologiyalar va dasturiy vositalar asosida amaliyot o‘taydi. Amaliyot yakunlariga ko‘ra, saralash bosqichlaridan muvaffaqiyatli o‘tgan bitiruvchilar kompaniyada doimiy ish bilan ta’minlanadi.