Toshkent arxitektura-qurilish universiteti vakillari Yaponiyaning Takarazuka universiteti tillar fakulteti dekani va xodimlari bilan uchrashuv o‘tkazdi.

Uchrashuv davomida tomonlar o‘z universitetlari faoliyati haqida ma’lumot almashib, ikki oliygoh o‘rtasida hamkorlik aloqalarini yo‘lga qo‘yish bo‘yicha kelishuvga erishdilar. Xususan, talabalar, magistrantlar hamda professor-o‘qituvchilar almashinuvi dasturlarini amalga oshirish, shuningdek, hamkorlik to‘g‘risida shartnoma imzolash masalalari muhokama qilindi.

Shu bilan birga, ayni paytda Toshkent arxitektura-qurilish universitetida faoliyat yuritayotgan yapon tili kursi tinglovchilarini qisqa muddatli amaliyot o‘tkazish maqsadida Takarazuka universitetiga yuborish imkoniyatlari ham ko‘rib chiqildi.