2025-yil 8-may kuni Qirg‘iziston Respublikasining O‘sh shahrida joylashgan O‘sh texnologiya universiteti delegatsiyasi Toshkent arxitektura-qurilish universitetiga tashrif buyurdi. Mazkur tashrifdan asosiy maqsad ikki oliy ta’lim muassasasi o‘rtasidagi hamkorlikni yanada kengaytirish, jumladan, “Iqtisodiyot va ko‘chmas mulk” kafedrasi negizida magistratura mutaxassisligi hamda bakalavriat ta’lim yo‘nalishlari bo‘yicha qo‘shma ta’lim dasturini yo‘lga qo‘yishdan iborat bo‘ldi. Uchrashuv davomida qo‘shma ta’lim dasturi asosida o‘qitish uchun ishchi-o‘quv rejalar va namunaviy dasturlarni tayyorlash bo‘yicha muzokaralar o‘tkazilib, tegishli kelishuvlarga erishildi.