Toshkent arxitektura-qurilish universitetining Qurilish fakulteti “Gidrotekhnika va geotekhnika muhandisligi” hamda “Bino va inshootlar qurilishi” kafedralari professor-o‘qituvchilari Xitoyning “Luban” qurilish kompaniyasi mutaxassislari bilan hamkorlikda “Bino va inshootlar qurilishida geotexnika muammolari” mavzusida davra suhbati o‘tkazdi.

Tadbirda geotexnika sohasidagi dolzarb masalalar, ilmiy-tadqiqot yo‘nalishlari hamda amaliyotdagi yechimlar muhokama qilindi. Shuningdek, xalqaro tajriba almashish va hamkorlikdagi loyihalarni yo‘lga qo‘yish masalalariga e’tibor qaratildi.