Uchrashuv davomida DAAD tashkiloti faoliyati, uning tomonidan taqdim etiladigan to‘liq stipendiyalar, hujjat topshirish talablari va muddatlari haqida batafsil ma’lumot berildi. Talabalar bilan qizg‘in muloqot va savol-javob bo‘lib o‘tdi. Shuningdek, TAQU talabalari nemis tilini o‘rganishlari uchun Gyote instituti tomonidan tashkil etilgan kurslarga taklif etildi. Uchrashuv yakunida Johanna Maier xonim DAAD – Nemis Akademik almashinuvi xizmati haqida tushunchani boyitishga, shuningdek, kelajakda Germaniya va O‘zbekiston universitetlari o‘rtasidagi almashinuv dasturlari hamda hamkorlikni rivojlantirishga qo‘shgan hissasi uchun tashakkurnoma bilan taqdirlandi.