O‘zbekiston Transport, yo‘l va kapital qurilish, qurilish industriyasi hodimlari Respublika kengashi bilan hamkorlikda Toshkent arxitektura-qurilish universitetida “Rahbar va yoshlar: Konstitutsiya — huquq va erkinliklarimiz kafolati” mavzusida ochiq muloqot tashkil etildi.

Tadbirni Yoshlar masalalari va ma’naviy-ma’rifiy ishlar bo‘yicha prorektor Mardov Sanjar Xudoyqulovich ochib berdi.

Uchrashuvda quyidagi soha mutaxassislari ishtirok etdi:

• O‘zbekiston transport, yo‘l va kapital qurilish, qurilish industriyasi hodimlari kasaba uyushmasi Respublika kengashi raisi o‘rinbosari Dehqonov Nodir Shukhratovich
• Kasaba uyushmasining Toshkent shahar kengashi raisi Saydaliev Husniddin Kamalovich
• Respublika kengashi yuristkonsulti Nishonova Lola Kadiralievna
• Respublika kengashi yoshlar bilan ishlash bo‘yicha mutaxassisi, yoshlar masalalari bo‘yicha rais maslahatchisi Yusupov Mirziyod Mirkhomid o‘g‘li
• Toshkent arxitektura-qurilish universiteti kasaba uyushmasi qo‘mitasi raisi Kasimova Feruza Ergashevna

Muloqot davomida yoshlarga oid davlat dasturining ahamiyati Konstitutsiyada belgilangan huquq va erkinliklar, yoshlarning ijtimoiy faolligini oshirishga qaratilgan masalalar muhokama qilindi. Talabalar o‘zlarini qiziqtirgan savollariga batafsil javob oldi.