Toshkent arxitektura-qurilish universitetida Turkiyaning yetakchi tashkilotlaridan biri — Turkiya Hamkorlik va Muvofiqlashtirish Agentligi TİKA ko‘magida tashkil etilgan yangi laboratoriyaning tantanali ochilish marosimi bo‘lib o‘tdi.

Tadbirda universitet rektori v.v.b. B.A. Tulaganov, TİKA vakillari hamda Turkiyadan tashrif buyurgan mehmonlar ishtirok etdilar.

Ochilish marosimida so‘zga chiqqanlar ushbu laboratoriyaning universitetning ilmiy-tadqiqot salohiyatini oshirish, talabalarning amaliy bilim va ko‘nikmalarini mustahkamlash hamda xalqaro ilmiy hamkorlikni kengaytirish yo‘lida muhim qadam ekanligini ta’kidladilar.

Zamonaviy texnologiyalar bilan jihozlangan ushbu laboratoriya qurilish materiallarini sinovdan o‘tkazish, muhandislik tahlillari hamda turli innovatsion tadqiqotlarni amalga oshirish imkonini yaratadi.

Ushbu loyiha universitetning xalqaro standartlarga mos ravishda ilmiy izlanishlar olib borish hamda ta’lim jarayonining sifatini oshirish borasidagi sa’y-harakatlarining natijasi sifatida e’tirof etildi.

Tadbir doirasida tomonlar kelgusida ilmiy innovatsion loyihalarni qo‘llab-quvvatlash va o‘zaro hamkorlikni yanada mustahkamlash masalalarini ham muhokama qildilar.