2025-yil noyabr oyida Turkiyaning Istanbul shahrida joylashgan Istanbul Texnika Universiteti, Istanbul Aydin Universiteti, Kandilli Observatory (Kandilli ilmiy-tadqiqot markazi) hamda Beylikdüzü Disaster Education Center (Beylikduzu favqulodda vaziyatlar markazi) da seysmik xavfsizlik sohasiga bag‘ishlangan ilmiy-amaliy stajirovka o‘tkazilmoqda.

Mazkur stajirovkada Toshkent arxitektura-qurilish universitetidan Bino va inshootlar qurilishi kafedrasi mudiri Baymatov Sh.X., dotsent Abduraimova X.R., Qurilish va atrof-muhit muhandisligi kafedrasi katta o‘qituvchisi Abduqodirov F., hamda Qurilish mexanikasi va seysmik muhandislik kafedrasi dotsenti v.b. Raxmanov B.K. faol ishtirok etmoqda.

Dastur davomida ishtirokchilar Turkiya Respublikasida seysmik xavfsizlikni ta’minlash, xavf tahlili, favqulodda vaziyatlarda harakatlanish, muhandislik yechimlarini ishlab chiqish hamda binolarning zilzilabardoshligini oshirish borasidagi ilg‘or tajribalar bilan tanishmoqdalar.

Stajirovka doirasida delegatsiya a’zolari fuqarolik muhandisligi laboratoriyalari, favqulodda vaziyatlar ta’lim markazlari, ilmiy-tadqiqot institutlari va seysmik himoya tizimlari bilan jihozlangan yirik inshootlar faoliyati bilan yaqindan tanishishdi. Shuningdek, Istanbul Proje Koordinasyon Birimi, Kartal Dr. Lütfi Kirdar Shahar Kasalxonasi, Gürlek Nakipoğlu Anadolu Litseyi va Yeditepe Universitetida tashkil etilgan uchrashuv va taqdimotlarda ishtirok etishdi.

Mazkur ilmiy-amaliy stajirovka Toshkent arxitektura-qurilish universiteti olimlariga xalqaro tajriba almashish, zamonaviy qurilish me’yorlari va seysmik muhandislik yondashuvlarini o‘rganish imkonini bermoqda.