2026-yil 25–27 fevral kunlari Ufa shahrida “UralStroyIndustriya” Xalqaro ko‘rgazma-forumi hamda “ProNedvijimost” ko‘rgazmasi bo‘lib o‘tadi. Tadbir tashkilotchilari — Bashkortostan Respublikasi Hukumatі, Respublika Qurilish va arxitektura vazirligi hamda “BVK” ko‘rgazma kompaniyasi.

“UralStroyIndustriya” forumi Rossiya Federatsiyasi mintaqalarida uy-joy, transport, ijtimoiy va kommunal infratuzilmani yangi sifat darajasida rivojlantirish bo‘yicha yechimlar ishlab chiqiladigan yillik maydon bo‘lib, zamonaviy qurilish materiallari, raqamli yechimlar va innovatsion texnologiyalarni targ‘ib etishga xizmat qiladi.

2025-yil yakunlariga ko‘ra, forumda Rossiyaning 16 mintaqasidan 90 ta kompaniya ishtirok etgan, 160 nafar spiker qatnashgan 23 ta tadbir o‘tkazilgan va ko‘rgazmani 7 300 nafar mutaxassis tashrif buyurgan.

Joriy yilgi dastur doirasida qurilish tarmog‘ining asosiy yo‘nalishlari bo‘yicha 25 dan ortiq sohaga oid sessiyalar o‘tkazilishi rejalashtirilgan. Ular orasida:

– qurilishda raqamli texnologiyalar qo‘llanilishi;
– qonunchilikdagi o‘zgarishlar;
– narx belgilash va normativlar;
– uy-joy bozori, ko‘chmas mulk va ipoteka tendensiyalari;
– assotsiatsiyalar va qurilish tashkilotlari o‘rtasidagi hamkorlik;
– qurilish sohasida innovatsion mahalliy ishlanmalar.

Shuningdek, B2B uchrashuvlar, master-klasslar, professional mahorat tanlovlari va ishlab chiqarish korxonalariga texnologik sayohatlar o‘tkazilishi ko‘zda tutilgan.

Tadbirning markaziy qismi — “Rossiya qurilish sohasi: 2030 yil uchun maqsadlar, tendensiyalar va asosiy rivojlanish yo‘nalishlari” mavzusidagi Plenar sessiya bo‘ladi.

Universitetning professor-o‘qituvchilari va ilmiy xodimlari Forumning biznes dasturi doirasida o‘z yo‘nalishlari bo‘yicha ma’ruza bilan ishtirok etishga tashkilotchilar tomonidan taklif etilganligini ma’lum qilamiz.

Batafsil ma’lumot uchun: +7 (347) 295-98-97, ar@bvkexpo.ru
Rasmiy sayt: www.stroybvk.ru