Toshkent arxitektura-qurilish universitetida Yangi O‘zbekiston universiteti rektori va universitet delegatsiyasi bilan uchrashuv bo‘lib o‘tdi.

Tashrif doirasida mehmonlar universitet bo‘ylab ekskursiya qilib, ta’lim muassasasida yaratilgan zamonaviy shart-sharoitlar, laboratoriyalar, ilmiy markazlar va innovatsion loyihalar bilan yaqindan tanishdilar.

Shundan so‘ng, ikki oliy ta’lim muassasasi vakillari ishtirokida muzokaralar o‘tkazildi. Unda Toshkent arxitektura-qurilish universiteti tomonidan ishlab chiqilgan ilmiy va amaliy loyihalar taqdimoti bo‘lib o‘tdi.

Uchrashuv davomida Toshkent arxitektura-qurilish universiteti rektori B.Tulaganov va Yangi O‘zbekiston universiteti rektori o‘zaro hamkorlikni yo‘lga qo‘yish, jumladan, ilmiy-tadqiqot faoliyatida, laboratoriya ishlarini birgalikda olib borish hamda sun’iy intellekt yo‘nalishida qo‘shma loyihalarni amalga oshirish bo‘yicha kelishuvga erishdilar.

Mazkur tashrif ikki oliy ta’lim muassasasi o‘rtasidagi hamkorlik aloqalarini mustahkamlash va yangi strategik yo‘nalishlarni belgilashda muhim qadam bo‘ldi.