21-may kuni Toshkent arxitektura-qurilish universitetida tashkiliy masalalarga bag‘ishlangan yig‘ilish bo‘lib o‘tdi. Unda Oliy ta’lim, fan va innovatsiyalar vazirining birinchi o‘rinbosari Shohrux Daliyev, Yunusobod tumani hokimi Bahodir Abduvaliyev, vazirlik hududiy boshqarmasi vakillari, oliy ta’lim muassasalari rahbarlari, prorektorlar, universitet professor-o‘qituvchilari hamda xodimlari ishtirok etdi. Tadbir davomida hukumat qaroriga asosan Toshkent arxitektura-qurilish universiteti rektori lavozimiga tayinlangan Bahrom To‘laganov rasmiy ravishda jamoaga tanishtirildi. So‘zga chiqqanlar yangi rahbarning ilmiy salohiyati, kasbiy tajribasi va boshqaruv qobiliyatini alohida ta’kidlab, unga mas’uliyatli faoliyatida muvaffaqiyatlar tilashdi.