Toshkent arxitektura-qurilish universitetiga Polsha Respublikasining Bialystok Oliy iqtisodiyot universiteti rektori professor Aleksandr Prokopyuk boshchiligidagi delegatsiya tashrif buyurdi. Uchrashuv davomida ikki oliy ta’lim muassasasi o‘rtasidagi hamkorlik aloqalarini yanada kengaytirish masalalari muhokama qilindi. Xususan, “Iqtisodiyot va ko‘chmas mulk” hamda “Qurilish va atrof-muhit muhandisligi” kafedralari doirasida magistratura mutaxassisliklari bo‘yicha qo‘shma ta’lim dasturlarini yo‘lga qo‘yish yuzasidan kelishuvga erishildi va tegishli hamkorlik shartnomalari imzolandi.