Toshkent arxitektura-qurilish universiteti Ofis registratori xodimlari o‘rtasida korrupsiyaga qarshi profilaktik tadbir tashkil etildi.

Uchrashuvda universitet Korrupsiyaga qarshi kurashish “komplaens-nazorat” tizimini boshqarish bo‘limi boshlig‘i M.Isakdjanov, Inson resurslarini boshqarish bo‘limi boshlig‘i A.Tronevich hamda Toshkent davlat yuridik universiteti vakili A. Yuldashev ishtirok etdilar. Ular xodimlarga tegishli tushuntirish va tavsiyalar berishdi.

Mazkur tadbirning asosiy maqsadi — xodimlar orasida korrupsiya xavf-xatarlarini oldindan bartaraf etish, qonuniylik va shaffoflik tamoyillariga qat’iy rioya etilishini ta’minlash, hamda mas’uliyatni oshirishdan iborat bo‘ldi.

Shuningdek, muhokamalar davomida korrupsiya huquqbuzarliklarining oqibatlari, jazolarning muqarrarligi hamda bunday holatlarning nafaqat huquqiy, balki axloqiy jihatdan ham og‘ir oqibatlarga olib kelishi alohida ta’kidlandi.