Yangiliklar
E'lonlar
45
“Butunjahon turkiy tillar kuni”
O‘zbekiston Respublikasi, Turkiya, Ozarboyjon, Qozog‘iston va Qirg‘iziston tomonidan UNESCOga a’zo 26 ta davlat hammuallifligida ilgari surilgan tashabbus asosida UNESCO Bosh konferensiyasining 43-sessiyasida 15-dekabr “Butunjahon turkiy tillar kuni” etib belgilangan. Shu munosabat bilan O‘zbekiston Yozuvchilar uyushmasi, “Vatandoshlar” jamoat fondi, “El-yurt umidi” jamg‘armasi va “Ma’rifat” targ‘ibotchilar jamiyati hamkorligida 2025-yil 25-dekabr kuni soat 11:00 dan 17:00 gacha O‘zbekiston Yozuvchilar uyushmasining faollar zalida “Turkiy tillar birligi - Bir ildiz, bir til, bir madaniyat” mavzusida adabiy-ma’rifiy kecha o‘tkazilishi rejalashtirilgan. Mazkur tadbirda turkiy tillarda so‘zlashuvchi davlatlardan tashrif buyurib mamlakatimizda tahsil olayotgan talabalar, mazkur soha doirasida ilmiy tadqiqot ishlari olib borayotgan doktorantlar hamda mahalliy va xorijlik turkiy olimlar ishtirokini ta’minlashlari so‘raladi.
Tadbirlar
34
22-dekabr — “Energetiklar kuni” munosabati bilan Toshkent arxitektura-qurilish universitetida bayramona tadbir tashkil etildi
Tadbirda energetika sohasi vakillari, professor-o‘qituvchilar ishtroknetdilar. Tadbirda universitetimizning moliya-iqtisod ishlari bo‘yicha prorektori Ilhom G‘iyosov mamlakatimizda energetika sohasini yanada rivojlantirish va isloh qilish, aholi hamda iqtisodiyotni barqaror energiya resurslari bilan ta’minlash, qayta tiklanuvchi energiya manbalarini keng joriy etish, energiya samaradorligini oshirish va energiya tejovchi texnologiyalarni tatbiq etish kabi ustuvor yo‘nalishlar haqida to‘xtalib o‘tdi.Shuningdek, ushbu yo‘nalishlarda faol ishtiroki va munosib hissasi bilan ajralib turgan professor-o‘qituvchilar — Zaxidov Mansur, Norov Nusratjon va Rashidov Jasur, shuningdek iqtidorli talabalar — Abdullayev Azimjon hamda Qurbonov Bekzod munosib e’tirof etilib, universitet rektori nomidan taqdirlandilar.Universitetimiz bosh energetigi tomonidan universitet hududiga o‘rnatilgan 768 kVt quvvatli quyosh panellari hisobiga 2025-yilda qariyb 777 ming kVt/soat elektr energiyasi ishlab chiqarilgani, uning 66 foizdan ortig‘i ichki ehtiyojni qoplab, qolgan qismi davlat tarmog‘iga uzatilayotgani qayd etildi. Natijada 200 million so‘mdan ortiq qo‘shimcha tushum shakllantirilgani ta’kidlandi.Tadbir yakunida universitetimiz bosh energetigi Nurmatov Ravshan hamda elektromontyorlar Ergashev Toshpo‘lat va Kuchkarov Hakimjon fidokorona mehnatlari uchun universitet rektori nomidan tashakkurnoma va esdalik sovg‘alari bilan taqdirlandilar. Barchangizni “Energetiklar kuni” bilan tabriklaymiz! Energiya, ziyo va barqaror taraqqiyot yo‘lida olib borayotgan ishlaringizga omad va ulkan muvaffaqiyatlar tilaymiz!
Yangiliklar
57
Yangi Oʻzbekiston Olimpiya choʻqqilari” va “Talabalar ligasi” doirasida badminton sport turi musobaqasi bo‘lib o‘tdi
Toshkent arxitektura-qurilish universiteti talabalari oʻrtasida “Yangi Oʻzbekiston Olimpiya choʻqqilari” va “Talabalar ligasi” doirasida badminton sport turi musobaqasi bo‘lib o‘tdi.Unda universitetning Sport klubi rais oʻrinbosari S.Abduxoliqov, jismoniyb tarbiya va sport oʻqituvchilari B.Davrambekov, D.Xidirov va talaba-yoshlar ishtirok etdilar.Talaba-yigitlar oʻrtasida Badminton sport musobaqasining natijasiga ko‘ra quyidagilar g‘olib deb topildi:1-o‘rin: Dehqonov Maqsad O‘tkirjon o‘g‘li 427-24 guruh talabasi;2-o‘rin: Meliqo‘ziyev Ruslan Sayidazim o‘g‘li 42-25 guruh talabasi;3-o‘rin: Mahkamov Xaytmat Shavkat o‘g‘li 2-25 guruh talabasi.Talaba-qizlar oʻrtasida Badminton sport musobaqasining natijasiga ko‘ra quyidagilar g‘olib deb topildi:1-o‘rin: Rixsixo‘jayeva Roziyaxon Doniyorxodja qizi 17-25 guruh talabasi;2-o‘rin: Maqsudova Madinabonu Jahongir qizi 3-25 guruh talabasi;3-o‘rin: Xolosova Gulsora Dilmurod qizi 42-25 guruh talabasi g‘oliblikni qo‘lga kiritdilar. Barcha gʻoliblarni muborakbod etamiz!
Tadbirlar
56
"Rektor va yoshlar uchrashuvi"
Toshkent arxitektura-qurilish universitetida an’anaviy tarzda o‘tkazib kelinayotgan “Rektor va yoshlar uchrashuvi” doirasida navbatdagi uchrashuv Menejment fakulteti talabalari bilan bo‘lib o‘tdi.Unda Yoshlar masalalari va ma'naviy-ma'rifiy ishlar prorektori S.Mardov, tyutorlar hamda talabalar ishtirok etdilar.Tadbirni universitet rektori Tulaganov Bahrom Abdukabilovich kirish so‘zi bilan ochib berdi. Ochiq muloqot tarzida oʻtgan uchrashuvda universitetda tahsil olayotgan talabalarga sifatli taʼlim olishi uchun yaratilgan shart-sharoitlar va imkoniyatlarni taʼkidlab oʻtildi hamda xalqaro hamkorlik, loyihalar va yangiliklar toʻgʻrisida maʼlumot berildi. Shuning bilan birga universitet ichki tartib qoidalari, odob-ahloq qoidalari haqida ham tushuntirish ishlari olib borildi. Tadbir yakunida talabalar o‘zlarini qiziqtirgan savollarga to‘laqonli javob oldilar.
E'lonlar
63
XALQARO WINTER SCHOOL – 2025
“Madaniyatlararo muloqot kontekstida barqaror shahar va me’moriy rivojlanish”.Toshkent Arxitektura va Qurilish Muhandisligi Universitetida (TAQU) Xitoy Xalq Respublikasining Chongqing University bilan hamkorlikda Xalqaro Winter School – 2025 dasturi tashkil etilmoqda.Mazkur xalqaro akademik loyiha shaharsozlik va me’morchilik sohasida barqaror rivojlanish masalalarini chuqur o‘rganish, ilg‘or ilmiy yondashuvlar va madaniyatlararo tajriba almashuvini rivojlantirishga qaratilgan.Dastur yo‘nalishlari: • Shahar morfologiyasi – turli sivilizatsiyalar ta’sirida Toshkent shahrining urban rivojini tahlil qilish; • Tarixiy merosni muhofaza qilish – tarixiy binolarni baholash va ularni moslashuvchan qayta foydalanish strategiyalarini ishlab chiqish; • Past uglerodli dizayn – ekologik, iqtisodiy va madaniy jihatdan barqaror kichik hajmdagi loyihalarni ishlab chiqish.Winter School mashg‘ulotlari xalqaro professor-o‘qituvchilar va yetakchi mutaxassislar ishtirokida olib borilib, talabalarning ilmiy-amaliy salohiyatini oshirishga xizmat qiladi.O‘tkazilish muddati: 2025-yil 23–28-dekabr Manzil: Toshkent arxitektura-qurilish universiteti (TAQU)Jadvalni ko’rish ➔ Batafsil
Tadbirlar
30
Toshkent arxitektura-qurilish universitetida bayramona dastur va unutilmas lahzalar
Toshkent arxitektura-qurilish universitetida Yangi yil arafasida kechki ta'lim talabasi Abdurashidov Azamat boshchiligida bayramona muhit yaratildi.Yangi yil shousida talabalar o‘zining iste’dodi va ijodiy chiqishlari bilan bayram shukuhini his qildirdilar. Musiqa, raqs va kulgiga boy boʻlgan dasturlar ishtirokchilar va tomoshabinlar uchun unutilmas taassurot qoldirdi. Talabalar tomonidan tayyorlangan sho‘x musiqiy chiqishlar esa zalni quvonch va olqishlarga to‘ldirdi. Bayram dasturida turli xil qiziqarli oʻyinlar tashkil etilib, barchaga yuqori kayfiyat bagʻishladi. Gʻolib boʻlgan ishtirokchilarga qorbobo va qorqiz tomonidan sovgʻalar taqdim etildi.
E'lonlar
53
“BINUS” universiteti TAQU talabalar uchun bakalavriat va magistratura bosqichlarida tahsil olish uchun grant dasturlarini taklif qilmoqda
Maʼlumot uchun: “BINUS” universiteti Indoneziyadagi yetakchi xususiy oliy taʼlim muassasasi bo‘lib, mamlakat bo‘ylab 12 ta kampusga ega. Talabalar soni 40 ming. Universitet IT, biznes, moliya, kommunikatsiya va dizayn yo‘nalishlaridagi dasturlari bilan shuhrat qozongan.“QS World University Rankings” agentligi maʼlumotiga ko‘ra, Indoneziyada birinchi raqamli xususiy universitet sanaladi, Osiyoda – 165 va dunyoda – 851-900 oralig‘idagi o‘rinlarni egallab kelmoqda.Bakalavriat yo‘nalishida talabalar ingliz tilida 9 ta mutaxassislik bo’yicha tahsil oladi hamda universitet talabalarning kontrakt to‘lovi va yotoqxona xarajatlarini to‘liq qoplab beradi (batafsil maʼlumot ilovada).Magistratura (International MBA/MM Professional) – 1 yarim yilga mo‘ljallangan bo‘lib, unga ish tajribasiga ega mutaxassislar, rahbar xodimlar, menejerlar va tadbirkorlar qabul qilinadi. Kuzgi semestrga hujjatlar 2026-yil 15-mayga qadar qabul qilinadi.1. Indoneziyagrant ilova batafsil...2. Indoneziyagrant ilova batafsil...3. Indoneziya grant ilova batafsil...
E'lonlar
34
“Kvant maʼlumotni qayta ishlash boʻyicha 29 anjuman” (QIP 2026)
2026-yil 24-30-yanvar kunlari Riga shahrida “Kvant maʼlumotni qayta ishlash boʻyicha 29 anjuman” (QIP 2026) boʻlib o‘tishi rejalashtirilgan.Mazkur tadbir doirasidagi kvant hisoblash, kriptografiya va maʼlumotlar nazariyasiga oid sessiyalarga Oʻzbekistondan olimlar, professor-oʻqituvchilar va talabalar ishtirok etishi taklif etilmoqda (taklifnoma va batafsil maʼlumot ilova qilinadi).Tadbirda roʻyxatdan oʻtish muddati 2026-yil 12-yanvar va aloqa uchun Latviya elchixonasining xodimi Elena Puntsule mas’ul etib belgilangan (tel: 90 186-79-38). Yuqoridagilardan kelib chiqib, www.qip2026.lu.lv internet veb-sahifasida keltirilgan maʼlumotlarni batafsil oʻrganib chiqishingiz mumkin.
E'lonlar
46
Belarus Milliy Texnika Universiteti professor-o‘qituvchilari uchun malaka oshirish va stajirovka dasturlarini taklif etadi
Belarus Milliy Texnika Universiteti (БНТУ) huzuridagi “Texnika, texnologiya va iqtisodiyotning yangi rivojlanish yo‘nalishlari bo‘yicha kadrlarni qayta tayyorlash va malaka oshirish instituti” O‘zbekiston oliy ta’lim muassasalari professor-o‘qituvchilari uchun malaka oshirish va stajirovka dasturlarini taklif etadi.Dastur yo‘nalishlari:innovatsion ta’lim texnologiyalari va metodikasi;ta’lim va ilmiy faoliyatda sun’iy intellekt;zamonaviy elektron axborot resurslari;mehnat psixologiyasi asoslari;elektron ta’lim kommunikatsiyasi psixologiyasi;professional faoliyatda texnokultura.Malaka oshirish hajmi – 144 soat.O‘qish shakli: an’anaviy, masofaviy yoki aralash.O‘qish Belarus Respublikasida yetakchi sanoat korxonalariga tashriflar bilan tashkil etilishi mumkin.O‘qish narxi: 300 AQSh dollaridan boshlab.Yashash joyi: Belarus Milliy Texnika Universiteti (БНТУ) yotoqxonasi (mehmonxona turi) – 25 AQSh dollari/kun.Bog‘lanish uchun:+375 29 643 87 48 – Konopatskiy Denis Aleksandrovich+375 29 629 66 12 – Rijova Tatyana ViktorovnaRasmiy veb-sayt: https://www.bntu.by