Yangiliklar
Yangiliklar
91
“Akademik harakatchanlik” dasturi doirasida g‘olib yosh olimlar e’lon qilindi
2021-yildan buyon Innovatsion rivojlanish agentligi tomonidan iqtidorli yosh olimlarni qo‘llab-quvvatlash maqsadida “Akademik harakatchanlik” dasturi izchil amalga oshirib kelinmoqda. Mazkur dastur doirasida 2025-yil davomida tanlov to‘rt marotaba o‘tkazilib, bugungi kunga qadar jami 93 nafar yosh olim g‘olib deb topildi. G‘oliblarga respublika va xorijdagi turli laboratoriyalar hamda zamonaviy ilmiy markazlardan olti oygacha bepul foydalanish imkoniyati yaratildi.Joriy yilning to‘rtinchi tanlovi natijalariga ko‘ra esa 29 nafar yosh olim g‘oliblikni qo‘lga kiritdi. Ularning 18 ta zamonaviy ilmiy laboratoriyadan foydalanishini ta’minlash maqsadida davlat budjeti mablag‘lari hisobidan 2 milliard 150 million so‘mdan ortiq mablag‘ yo‘naltirilishi belgilangan. Quvonarlisi shundaki, ushbu nufuzli tanlovda Toshkent arxitektura-qurilish universiteti doktoranti Madraymov Niyetbay Amangediyevich ham faol ishtirok etib, faxrli o‘rinlardan birini egalladi hamda sertifikat bilan taqdirlandi.
Tadbirlar
69
Olmaliq shahri 2-son texnikumida seminar bo‘lib o‘tdi
O‘zbekiston Respublikasi Prezidentining 2025-yil 23-oktyabrdagi “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi PF-190-son Farmoni ijrosini ta’minlash maqsadida 2025-yil 25-dekabr kuni Olmaliq shahri 2-son texnikumida seminar bo‘lib o‘tdi.Mazkur seminar Olmaliq shahri 2-son va 3-son texnikumlari uchun “Ishlab chiqarish texnologiyasi va qurilish” sohasi bo‘yicha tashkil etilgan o‘quv-metodik birlashmaning 6-son yig‘ilishi doirasida o‘tkazildi.Unda texnikumlarda ta’lim jarayonini yangilash, boshqaruv samaradorligini oshirish hamda o‘quv-metodik faoliyatni takomillashtirish masalalari muhokama qilindi.Seminarda Olmaliq shahri 2-son texnikumi direktori, o‘quv-metodik birlashma raisi Mirzakarimova Soxiba To‘laganovna, Oliy ta’lim, fan va innovatsiyalar vazirligi huzuridagi Kasbiy ta’limni rivojlantirish instituti bosh mutaxassisi, birlashma kotibi Sidiqov Elyorxon Ergashxonovich, institut bosh mutaxassisi Atajanova D.B., shuningdek, Toshkent arxitektura-qurilish universitetining Akademik litsey va texnikumlar bilan ishlash bo‘yicha yetakchi mutaxassisi Aliyeva Z.M. ishtirok etdi. Tadbir davomida texnikumlarning yangilangan o‘quv dasturlari, o‘quv-metodik ta’minoti hamda soha bo‘yicha kadrlar tayyorlash sifati yuzasidan taklif va tavsiyalar bildirildi. Seminar yakunida kelgusida amalga oshiriladigan vazifalar va hamkorlik yo‘nalishlari belgilab olindi.
Yangiliklar
72
TAQUga biriktirilgan Olmaliq qurilish va kommunal xo‘jaligi texnikumi faoliyatini yanada rivojlantirish bo‘yicha uchrashuv o‘tkazildi
O‘zbekiston Respublikasi Prezidentining 2024-yil 16-oktyabrdagi “Kasbiy ta’limda malakali kadrlarga tayyorlash tizimini yanada takomillashtirish va xalqaro ta’lim dasturlarini joriy qilish chora-tadbirlari to‘g‘risida”gi PF-158-son Farmoni hamda Oliy ta’lim, fan va innovatsiyalar vazirining 2024-yil 24-oktyabrdagi 394-sonli buyrug‘i ijrosini ta’minlash maqsadida 2025-yil 25-dekabr kuni Toshkent arxitektura-qurilish universitetiga biriktirilgan Olmaliq qurilish va kommunal xo‘jaligi texnikumi faoliyatini yanada rivojlantirish bo‘yicha uchrashuv o‘tkazildi.Uchrashuv davomida tasdiqlangan Yo‘l xaritasining har bir bandi alohida ko‘rib chiqilib, ta’lim sifatini oshirish, moddiy-texnik bazani mustahkamlash, o‘quv jarayonini takomillashtirish hamda ish beruvchilar bilan hamkorlikni yanada kuchaytirish masalalari muhokama qilindi.Shuningdek, aniqlangan kamchiliklar yuzasidan tegishli taklif va tavsiyalar berildi. Mazkur uchrashuv Toshkent arxitektura-qurilish universitetining Akademik litsey va texnikumlar bilan ishlash bo‘yicha yetakchi mutaxassisi Aliyeva Z.M. tomonidan tashkil etildi va olib borildi. Uchrashuv yakunida belgilangan vazifalar ijrosini ta’minlash bo‘yicha mas’ullar belgilandi hamda kelgusidagi hamkorlik yo‘nalishlari aniqlab olindi.
Yangiliklar
204
Toshkent arxitektura-qurilish universitetida Janubiy Qozog‘iston universiteti delegatsiyasi bilan uchrashuv o‘tkazdi
Toshkent arxitektura-qurilish universiteti rektori Baxrom Tulaganov Muxtar Auezov nomidagi Janubiy Qozog‘iston universiteti delegatsiyasi bilan hamkorlik masalalariga bag‘ishlangan uchrashuv o‘tkazdi.Uchrashuvda Muxtar Auezov nomidagi Janubiy Qozog‘iston universitetidan:Janibekov Akinxoja Kalenovich – ilmiy ishlar va innovatsiyalar bo‘yicha prorektor;Asilbekov Bakytjan Kaljanovich – ilmiy ishlar va innovatsiyalar bo‘yicha prorektor o‘rinbosari;Sarsenbaev Bakytjan Qudaybergenovich – “Silikatlar, qurilish materiallari va ekologiya” ilmiy-tadqiqot laboratoriyasi mudiri;Artykbaev Darxan Jaxsylykovich – “Sanoat, fuqarolik va yo‘l qurilishi” kafedrasi o‘qituvchisi ishtirok etdi.Muzokaralar davomida ikki oliy ta’lim muassasasi o‘rtasida ilmiy hamkorlikni rivojlantirish, xususan, qo‘shma ilmiy laboratoriya faoliyatini yo‘lga qo‘yish, ilmiy-tadqiqot ishlari va innovatsion loyihalarni birgalikda amalga oshirish masalalari muhokama qilindi. Uchrashuv yakunida tomonlar o‘zaro manfaatli hamkorlikni yanada kengaytirish bo‘yicha kelishuvga erishdilar.
Yangiliklar
91
Toshkent arxitektura-qurilish universitetida Yaponiya davlatining “Mitsui” yirik kompaniyasi vakillari bilan uchrashuv bo‘lib o‘tdi
Toshkent arxitektura-qurilish universitetida Yaponiya davlatining “Mitsui” yirik kompaniyasi vakillari bilan suv resurslarini tejashga qaratilgan innovatsion texnologiyalar yuzasidan amaliy va nazariy uchrashuv bo‘lib o‘tdi.Uchrashuv davomida kompaniya tomonidan ishlab chiqilgan suvni tejovchi texnologiyaning ishlash tamoyillari batafsil taqdim etildi. Mazkur texnologiyaning samaradorligini amalda sinab ko‘rish maqsadida universitet talabalar yotoqxonasida joylashgan suv chiqarish moslamalarida tajriba-sinov ishlari o‘tkazildi.Sinovlar jarayonida texnologiyaning suv sarfini sezilarli darajada kamaytirish imkoniyatlari muhokama qilindi.Tajribalar ijobiy natija bergan taqdirda, ushbu uskunalarni universitet hududidagi barcha suv chiqarish quvurlari, rakvinalar hamda vannalarga bosqichma-bosqich o‘rnatish masalasi muhokama etildi. Mazkur uchrashuv suv resurslaridan oqilona foydalanish, ekologik barqarorlikni ta’minlash hamda universitet infratuzilmasini zamonaviy texnologiyalar bilan jihozlash yo‘lida muhim ahamiyat kasb etadi.
E'lonlar
112
Koreya Respublikasining Dongduk ayollar universiteti stipendiya tanlovi
2026-o‘quv yilida Koreya Respublikasining Dongduk ayollar universitetida “Ipak yo‘li Koreyashunosligi” bakalavriat yo‘nalishi hamda “K-Ipak yo‘li turkiy tadqiqotlari” magistratura mutaxassisligi bo‘yicha tahsil olish uchun e’lon qilingan stipendiya tanlovi to‘g‘risida ma’lumot yuborilmoqda.Koreya tomonining ma’lumotiga ko‘ra, nomzodlar respublika TAQU ilmiy xodimlari, doktorantlari, magistrantlari, talabalari qatoridan bo‘lishlari va muayyan talablarga javob berishlari lozim, ular hujjatlar natijalari asosida tanlab olinadilar.Ushbu tanlovda (bakalavriat, magistratura) ishtirok etish istagida bo‘lgan nomzodlar arizalar va barcha zarur hujjatlarni ilova qilgan holda, 2026-yil 12-yanvarga qadar www.uwayapply.com havolasi orqali on-line tarzda taqdim etishlari kerak. Hujjatlarga ularning ingliz yoki koreys tillariga notarial tasdiqlangan tarjimasi ilova qilinishi kerak.Bakalavriat yo‘nalishi va magistratura mutaxassisligi bo‘yicha o‘qishga qabul qilingan stipendiya sovrindorlariga har bir semestr uchun 50% o‘qish to‘lovidan chegirma va boshqa imtiyozlar taqdim etiladi. Stipendiya dasturi to‘g‘risidagi batafsil ma’lumot uchun intl@dongduk.ac.kr elektron pochta manziliga murojaat qilish mumkin.1. Dongduk universiteti ilovalari batafsil... 2. Dongduk universiteti ilovalari batafsil...
E'lonlar
112
TAQU va NIU MGSU o‘rtasida xalqaro hamkorlik uchrashuvi bo'lib o'tdi
Uchrashuvlarda Toshkent arxitektura-qurilish universitetining strategik rejalashtirish bo‘yicha birinchi prorektori Adduvahob Abdukarimov, TAQU Texnoparki rezidenti — “Art Electro” kompaniyasi bosh direktori Vyacheslav Belov hamda TAQU rektori maslahatchisi Oleg Rubtsov ishtirok etdi.NIU MGSU tomonidan Qurilish ishlab chiqarishini tashkil etish va texnologiyalari kafedrasi mudiri Azariy Lapidus, Menejment va innovatsiyalar kafedrasi dotsenti Tatyana Meshcheryakova, Xalqaro hamkorlik bo‘limi boshlig‘i Olga Makarova hamda Ta’limni internatsionallashtirish boshqarmasi boshlig‘i o‘rinbosari Aleksandr Deev muzokaralarda qatnashdi.Muzokaralar davomida tomonlar ilmiy-ta’lim sohasidagi hamkorlikni rivojlantirish masalalarini muhokama qilib, ikki oliy ta’lim muassasasi o‘rtasidagi mustahkam tarixiy aloqalarni alohida ta’kidladilar.Hamkorlikning asosiy yo‘nalishlari sifatida rus va ingliz tillarida tarmoq ta’lim dasturlarini amalga oshirish, akademik mobillikni kengaytirish, qo‘shma ilmiy tadqiqotlar olib borish, “oyna (zerkal) laboratoriyalar” tashkil etish, shuningdek DPO va MBA dasturlarini joriy etish belgilandi.Uchrashuvlar doirasida NIU MGSUning laboratoriya majmuasi bilan tanishilib, tegishli tarkibiy bo‘linmalar vakillari bilan ishchi uchrashuvlar o‘tkazildi. Uchrashuv yakunda tomonlar hamkorlikni yanada kengaytirish va kafedralararo aloqalarni mustahkamlashdan o‘zaro manfaatdor ekanliklarini tasdiqladilar.
Yangiliklar
61
Toshkent arxitektura-qurilish universitetida “5 muhim tashabbus” doirasidagi kitobxonlik targʻiboti oʻtkazildi
Toshkent arxitektura-qurilish universiteti “Qurilish mexanikasi va seysmik muhandislik” kafedrasi professor-o‘qituvchilari boshchiligida talabalar oʻrtasida “5 muhim tashabbus” doirasidagi kitobxonlik targʻiboti oʻtkazildi.Unda yoshlarning kitob o‘qishga bo‘lgan qiziqishini oshirishga, ularni kitob bilan do‘st bo‘lishga, talabalar oʻrtasida kitobxonlik saviyasini yanada oshirishga alohida e’tibor qaratildi.Bunda avvalo, milliy adabiyotimiz va jahon adabiyotining eng sara namunalarini keng targ‘ib qilishga alohida e'tibor berishimiz muhim ahamiyat kasb etadi. Talabalarda kitobxonlik madaniyatini oshirish, badiiy va ilmiy adabiyotlarga qiziqishni kuchaytirish, maʼnaviy-axloqiy dunyoqarashni kengaytirish hamda bo‘sh vaqtni mazmunli tashkil etishdan iborat.
Tadbirlar
74
Rahbar va yoshlar uchrashuvi
Toshkent arxitektura-qurilish universitetida O‘zbekiston Respublikasi Qurolli Kuchlari tashkil etilganligining 34 yilligi hamda Vatan himoyachilari kuni munosabati bilan “Rahbar va yoshlar” uchrashuvi bo‘lib o‘tdi. Tadbir Toshkent harbiy okrugi va universitet rahbariyati hamkorligida tashkil qilindi. Uchrashuvdan bir qator maqsadlar ko‘zlangan bo‘lib, muloqotlar ochiq va samimiy ruhda kechdi. Jumladan, talaba yoshlarni kasbga yo‘naltirish yoxud hayotda munosib o‘rnini topishida yaqindan ko‘maklashish, ularning intellektual salohiyati va dunyoqarashini yanada yuksaltirish hamda milliy armiyamizda bugungi kunda olib borilayotgan islohotlar borasida fikr va mulohazalar tinglandi.Xususan, samimiy va ochiq muloqot tarzida kechgan uchrashuv davomida talabalarning fikr va takliflari ham eshitilib, rahbar tomonidan zarur tavsiyalar berildi. Shu bilan birga, talabalar Mudofaa vazirligi mas’ullaridan sohaga doir o‘zlarini qiziqtirga savollarga bevosita javob olish imkoniga ega bo‘ldi. Universitetda tengdoshlariga namuna bo‘lib kelayotgan bir guruh Koordinator talaba yoshlarga qo‘mondonlikning faxriy yorlig‘i va esdalik sovg‘alari topshirildi.