Yangiliklar
Tadbirlar
117
Toshkent arxitektura-qurilish universitetida xalqaro seminar-trening bo‘lib o‘tdi
Toshkent arxitektura-qurilish universitetining “Arxitektura” fakultetida Portugaliyaning nufuzli Porto universiteti professori, xalqaro ekspert Jose Luis Gomes ishtirokida seminar-trening tashkil etildi.Mazkur uchrashuv fakultet professor-o‘qituvchilari, doktorantlar va magistrantlar uchun o‘tkazilib, unda xalqaro ilmiy loyihalarda ishtirok etish, zamonaviy arxitektura yo‘nalishidagi loyihalarni bajarish, shuningdek, ilmiy maqolalarni xalqaro darajadagi, xususan, QS reytingiga kiruvchi ilmiy jurnallarda chop etishning barcha bosqichlari haqida batafsil ma’lumotlar berildi. Professor Jose Luis Gomes seminar davomida maqola yozishning ilmiy-me’yoriy talablari, tahririy jarayon, nashr strategiyalari kabi muhim jihatlar yuzasidan atroflicha ma’lumot berdi. Ishtirokchilar o‘zlarini qiziqtirgan savollarga batafsil javob olishdi, shuningdek, xalqaro ilmiy hamkorlik yo‘nalishida tajriba almashish imkoniyatiga ega bo‘lishdi.
Yangiliklar
499
Toshkent arxitektura-qurilish universiteti iUNRCga a’zo sifatida qabul qilindi
Ayni kunlarda Xitoy Xalq Respublikasining Chengdu shahrida “Bir makon, bir yo‘l” fan va texnologiya tashabbusi doirasida tashkil etilgan Tadqiqot hamkorligi uchun universitetlar tarmog‘i (iUNRC)ning Uchinchi Kengash yig‘ilishi va mavzuli ishchi guruh yig‘ilishi bo‘lib o‘tmoqda.Ushbu muhim tadbirda Toshkent arxitektura-qurilish universiteti ilk bor O‘zbekiston nomidan iUNRCga a’zo universitet sifatida rasman qabul qilindi. Ma’lumot uchun, 2025-yilda iUNRC tarkibiga Toshkent arxitektura-qurilish universiteti bilan birga yana 3 ta nufuzli oliy ta’lim muassasasi — Indoneziyadan Institut Teknologi Bandung, shuningdek, Xitoy Xalq Respublikasidan Hunan University va Sichuan University a’zo bo‘ldi. Natijada, iUNRC a’zolari soni 16 taga yetdi.
Tadbirlar
120
Shahar agrar sektori: Oʻzbekiston delegatsiyasining Chendudagi taassurotlari
Oʻzbekiston Respublikasi Oliy taʼlim, fan va innovatsiyalar vaziri oʻrinbosari Otabek Mahkamov rahbarligidagi yurtimizning 13 ta oliy taʼlim muassasasi vakillaridan iborat delegatsiya Xitoy Xalq Respublikasining Qishloq xoʻjaligi fanlar akademiyasi qoshidagi Shahar qishloq xoʻjaligi institutiga tashrif buyurdi. Institut shahar muhitida barqaror va yuqori texnologik qishloq xoʻjaligini rivojlantirishga ixtisoslashgan boʻlib, intellektual bogʻdorchilik, agrobototexnika (yaʼni qishloq xo‘jaligida robototexnika vositalaridan foydalanish), qoʻziqorin yetishtirish, vertikal dehqonchilik hamda bioenergetika sohalarida ilmiy tadqiqotlar olib boradi.
E'lonlar
84
“Eng faol yosh ishchi kasb egasi” ko‘rik-tanlovi bo‘lib o‘tdi
O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Respublika kengashi tomonidan Toshkent arxitektura-qurilish universiteti kasaba uyushmasi bilan hamkorlikda yoshlar o‘rtasida “Eng faol yosh ishchi kasb egasi” ko‘rik-tanlovi tashkil etildi.Tanlov quyidagi ikki yo‘nalish bo‘yicha o‘tkazildi.“G‘isht terish – umumqurilish ishlari ustasi”“Quruq qurilish va pardozlash ishlari ustasi” Ishtirokchilar o‘z yo‘nalishlarida amaliy ko‘nikmalarini namoyish etib, kasbiy bilim va mahorat bo‘yicha bellashdilar. Yakuniy natijalarga ko‘ra yo‘nalish bo‘yicha 3 ta o‘rin belgilandi va g‘oliblar tashkilotchilar va universitet kasaba uyishmasi tomonidan qimmatbaho sovg‘alar bilan taqdirlandilar.
E'lonlar
213
“Dolzarb 90 kun”
Prezident tashabbusi bilan yoshlarning bo‘sh vaqtini mazmunli tashkil etishga qaratilgan “Dolzarb 90 kun” loyihasi doirasida yozgi taʼtil davrida Toshkent arxitektura-qurilish universiteti Muhandislik fakulteti talabalari bilan ma’naviy-ma’rifiy tarbiya berish, ularni hayotga ongli va ijobiy yondashishga undash, shuningdek, milliy qadriyatlarimiz, odob-axloq me’yorlari haqida chuqurroq tushuncha berish maqsadida "Novda" badiiy filmi namoyish etildi. “Novda” talabalarda sabr, vijdon, oilaparvarlik, mehr-oqibat kabi tushunchalarni mustahkamlashga xizmat qildi. Shu bilan birga, u jamiyatdagi ijtimoiy masalalarni ochiq ko‘rsatgani sababli muammolarga befarq bo‘lmaslik, faol fuqarolik pozitsiyasini egallash zarurligini ham ta’kidlab o‘tdi.
E'lonlar
834
Qozog‘iston OTMlarida 2025/2026 o‘quv yili uchun ta’lim grantlari hujjatlarini topshirish tartibi
Qozog‘iston Respublikasi Fan va oliy ta’lim vazirligi O‘zbekiston fuqarolari uchun Qozog‘iston OTMlarida o‘qish uchun 20 ta ta’lim granti ajratadi:14 ta – bakalavriat yo‘nalishlari bo‘yicha6 ta – magistratura mutaxassisliklari bo‘yichaGrant nimani qoplaydi: faqat o‘qish to‘lovi. Yo‘l xarajatlari va yashash –nomzod hisobidan. Talablar:Bakalavriat uchun – attestatdagi o‘rtacha baho kamida "B"Magistratura uchun – bakalavr diplomi bo‘yicha GPA kamida 3.3 (4.0 baholash tizimida)Nomzod O‘zbekiston davlat OTM talabasi yoki akademik litsey o‘quvchisi bo‘lishi kerakHujjat topshirish muddati: 2025 yil 20 iyungacha, o‘qiyotgan OTMning xalqaro hamkorlik bo‘limi orqali.ILOVA
E'lonlar
141
Akramova Damira G‘ulomjonovnaning fan doktori (DSc) dissertatsiyasi himoyasi
Toshkent arxitektura-qurilish universitetida 2025 yilning 19 iyun kuni, soat 10:00 da Akramova Damira G‘ulomjonovnaning 13.00.02 - Ta’lim va tarbiya nazariyasi va metodikasi (hayot faoliyati xavfsizligi) ixtisosligi bo‘yicha falsafa doktori (PhD) ilmiy darajasini olish uchun taqdim etilgan “Talabalarning kasbiy faoliyat xavfsizligini ta`minlashga tayyorlash metodikasini takomillashtirish (texnika oliy ta`lim muassasalari misolida)” “mavzusidagi (PhD) dissertatsiyasining himoya majlisiga taklif etamiz.Manzil: 4-bino, 5-qavat, Faollar zali
E'lonlar
291
Shoisoyev Izatullo Kenjayevichning fan doktori (DSc) dissertatsiyasi himoyasi
Toshkent arxitektura-qurilish universitetida 2025 yilning 17 iyun kuni soat 10:00 da Shoisoyev Izatullo Kenjayevichning 18.00.01-Arxitektura nazariyasi va tarixi. Arxitektura yodgorliklarini ta’mirlash va qayta tiklash ixtisosligi bo‘yicha arxitektura fanlari doktori (DSc) ilmiy darajasini olish uchun taqdim etilgan “Shimoliy Ustrushonaning qadimgi va zamonaviy arxitekturasiga xos an’analari” mavzusidagi (DSc) dissertatsiyasining himoyasi Toshkent arxitektura-qurilish universiteti huzuridagi ilmiy darajalar beruvchi PhD.03/08.05.2024.A.11.02 raqamli Ilmiy kengash asosidagi Bir martalik ilmiy seminariga taklif etamiz. Manzil: Bosh bino 5-qavatidagi 502 honada boʻlib oʻtadi.
Yangiliklar
121
2025-yil 10-iyun kuni Toshkentdagi Hilton mehmonxonasida Zaha Hadid Architects kompaniyasi direktori, dunyo miqyosida taniqli arxitektor Paolo Matteuzzi rasmiy tashrif bilan O‘zbekistonga keldi
Tashrif doirasida u bir qator mutaxassislar, arxitektorlar hamda oliy ta’lim muassasalari vakillari bilan uchrashuvlar o‘tkazdi. Uchrashuvlar doirasida Toshkent arxitektura-qurilish universiteti Arxitektura fakulteti dekani Azamat Xasanov bilan bo‘lgan muloqot alohida ahamiyat kasb etdi. Suhbat davomida tomonlar arxitektura sohasida o‘zaro hamkorlik, ilmiy va amaliy loyihalarni birgalikda amalga oshirish, talabalar uchun seminar va treninglar tashkil etish masalalarini muhokama qildilar. Mazkur hamkorlikuniversitet talabalari uchun zamonaviy arxitektura va dizayn yo‘nalishida chuqur bilim hamda amaliy tajriba olish imkoniyatini yaratadi.