Yangiliklar
Yangiliklar
147
TAQU akademik ishlar bo'yicha prorektor R.M.Xadjayev boshchiligidagi stajirovkadagi professor-o'qituvchilar Turkiyadagi Istanbul texnika universitetiga tashrif buyurdi.
Toshkent arxitektura-qurilish universiteti Аkademik faoliyat boʼyicha prorektor R.M.Xadjayev boshchiligidagi stajirovkadagi professor-oʼqituvchilar guruhi Turkiyaning Istanbul texnika universitetida mehmon boʼlishdi.Uchrashuv davomida universitet rahbariyati bilan qizgʼin muzokaralar oʼtkazilib, quyidagi masalalar muhokama qilindi:- professor-oʼqituvchilar va talabalar oʼrtasida akademik almashinuvni yoʼlga qoʼyish- qoʼshma taʼlim dasturlarini tashkil etish- ilmiy tadqiqotlar boʼyicha hamkorlikni kengaytirish ikki universitet oʼrtasidagi munosabatlarni yanada yuqori bosqichga koʼtarish. Shuningdek, tashrif davomida delegatsiya Istanbul texnika universiteti Аrxitektura fakulьtetining tashkil topganiga 80 yil toʼlishiga bagʼishlangan tadbirlarda ishtirok etdilar. Ular mazkur yubiley tadbirlari doirasida universitetning boy tarixi, ilmiy va akademik yutuqlari bilan tanishish imkoniyatiga ega boʼlishdi.
Yangiliklar
132
Toshkent arxitektura-qurilish universitetining bir guruh professor-o'qituvchilari Rossiya Federatsiyasining Sankt Peterburg davlat arxitektura qurilish universitetida stajirovka o'tashmoqdalar.
Toshkent arxitektura-qurilish universitetining bir guruh professor-o'qituvchilari Rossiya Federatsiyasining Sankt Peterburg davlat arxitektura qurilish universitetida stajirovka o'tashmoqdalar. Sankt-Peterburg davlat arxitektura-qurilish universitetiga O'zbekiston Respublikasining Sankt-Peterburg shahridagi Bosh konsulligi raxbari A.Maxmudov boshchiligidagi delegatsiya tashrif buyurdi, ularni birinchi prorektor Svetlana Golovina qabul qildi. Uchrashuv davomida S.Gennadievna Toshkent arxitektura-qurilish universiteti bilan o'zaro hamkorlik keng rivojlanib borayotganini takidlab o'tdi.Batafsil: https://www.spbgasu.ru/news-and-events/news/spbgasu-posetila-delegatsiya-generalnogo-konsulstva-respubliki-uzbekistan/
Yangiliklar
148
Toshkent arxitektura-qurilish universiteti professor-o'qituvchilari hozirda Rossiya Federatsiyasining Qozon Davlat Arxitektura-Qurilish Universitetiga xizmat safarini amalga oshirmoqdalar.
Toshkent arxitektura-qurilish universiteti "Muhandislik" fakulteti doirasida "Qurilish materiallari va konstruktsiyalari texnologiyasi" hamda "Qurilish va atrof-muhit muhandisligi" kafedralari professor-o'qituvchilari hozirda Rossiya Federatsiyasining Qozon Davlat Arxitektura-Qurilish Universitetiga xizmat safarini amalga oshirmoqdalar. Mazkur tashrif davomida QozDAQU rektori Nizamov Rashit Kurbangaliyevich, "Qurilish materiallari, buyumlari va konstruktsiyalari texnologiyasi" kafedrasi mudiri Xozin Vadim Grigoryevich va boshqa professor-o'qituvchilar bilan uchrashuvlar tashkil etildi. Safar davomida QozDAQUning turli bo'limlari, innovatsion markazlari va laboratoriyalari, shuningdek, o‘quv jarayonlari bilan yaqindan tanishuv ishlari olib borilmoqda. Bundan tashqari, oliy ta'lim muassasalari o‘rtasida kelgusida ilmiy tadqiqotlar olib borish, tajriba almashish hamda ta'lim sohasidagi hamkorlik imkoniyatlarini kengaytirish masalalari muhokama qilinmoqda. Bu tashrif ikki tomonlama ilmiy va pedagogik hamkorlikni rivojlantirishda muhim ahamiyat kasb etadi.
Yangiliklar
171
Toshkent arxitektura-qurilish universiteti delegatsiyasi va O'zbekistonning Malayziyadagi elchisi Karomiddin Gadoyev hamda uning birinchi kotibi Elbek Saidovlar ishtirokida Kuala-Lumpur shahrida uchrashuv bo'lib o'tdi.
Toshkent arxitektura-qurilish universiteti delegatsiyasi va O'zbekistonning Malayziyadagi elchisi Karomiddin Gadoyev hamda uning birinchi kotibi Elbek Saidovlar ishtirokida Kuala-Lumpur shahrida uchrashuv bo'lib o'tdi. Tashrif davomida TAQU va Malayziyaning uchta yetakchi universiteti – USIM (Universiti Sains Islam Malaysia), UPM (Universiti Putra Malaysia), va UM (Universiti Malaya) o'rtasida hamkorlik masalalari muhokama qilindi. Ushbu uchrashuvda tomonlar o'zaro tajriba almashish, ta’lim va ilmiy tadqiqotlar sohasida hamkorlikni rivojlantirishga katta e’tibor qaratdi. Oʻzbekistonning Malayziyadagi elchisi Karomiddin Gadoyev universitetlar o'rtasidagi aloqalarni yuqori baholab, elchixona har tomonlama yordam ko'rsatishga tayyorligini taʼkidladi. Ayniqsa, TAQU va UM o'rtasidagi aloqalarni mustahkamlash hamda 2025-yil fevral oyida O'zbekiston va Malayziya davlat rahbarlari uchrashuvi doirasida hamkorlik memorandumini imzolashni jadallashtirish masalasiga alohida urg'u berildi. Bundan tashqari, O'zbekiston va Malayziya oliy taʼlim muassasalari rektorlari uchrashuvining birinchi forumini o'tkazish va Malayziyada TAQU fakultetini qayta tashkil etish tashabbusi ham koʻrib chiqildi. Mazkur tashabbuslar ikki mamlakat taʼlim tizimini integratsiya qilishda yangi imkoniyatlar ochishi kutilmoqda.
Yangiliklar
222
Toshkent arxitektura-qurilish universiteti rektori B.A.Tulaganov Rossiya Federatsiyasining Moskva shahrida xizmat safarida bo‘lib turibdi.
Toshkent arxitektura-qurilish universiteti rektori v.v.b. Tulaganov Baxrom Abdukabilovich 2024-yil 24-dekabrdan 26-dekabrga qadar O'zbekiston Respublikasi Prezidenti Administratsiyasining tegishli topshirig'iga asosan, Oliy taʼlim, fan va innovatsiyalar vazirligi delegatsiyasi tarkibida Rossiya Federatsiyasining Moskva shahrida xizmat safarida bo'lib turibdi. Mazkur xizmat safari davomida delegatsiya ilgʻor muhandislik maktablari tashkil etilishi tajribasini oʻrganish va bu tajribani O'zbekistonning turdosh oliy taʼlim muassasalarida qoʻllash boʻyicha yangi kelishuvlarga erishish maqsadini koʻzlamoqda. Tashrifning dastlabki kunida delegatsiya aʼzolari N.E. Bauman nomidagi Moskva davlat texnika universitetiga tashrif buyurib, u yerda tashkil etilgan ilgʻor muhandislik maktabining faoliyati bilan yaqindan tanishdilar. Shuningdek, ular universitetning Aerokosmik fakultetida boʻlib, fakultetning ishlash jarayonlari va imkoniyatlarini oʻrgandilar. Bu tashrif doirasida yangi ilmiy-texnik hamkorlik aloqalarini yoʻlga qoʻyish va muhandislik sohasida ilgʻor yondashuvlarni oʻzlashtirish boʻyicha samarali kelishuvlarga erishish kutilmoqda.
E'lonlar
206
O'zbekiston Respublikasining Seuldagi elchixonasining ma'lumotiga muvofiq, 2025-o'quv yilida Seulning nufuzli universitetlaridan birida magistratura yo'nalishi bo'yicha tahsil olish uchun e'lon qilingan.
O’zbekiston Respublikasining Seuldagi elchixonasining ma’lumotiga muvofiq, 2025-o’quv yilida Seulning nufuzli universitetlaridan birida magistratura yo’nalishi bo’yicha tahsil olish uchun e’lon qilingan. Mazkur stipendiya dasturi Seul shahri hokimiyati tomonidan amalga oshirilib, fan va muhandislik sohalari hamda “STEAM” fanlari bo‘yicha bakalavriat yo‘nalishida tahsil olayotgan talabalar va ushbu yo‘nalishda faoliyat olib borayotgan yosh davlat xizmatchilari uchun mo‘ljallangan. Dastur bilan bog‘liq barcha xarajatlar (aviachipta, o‘qish, turar joy, tibbiy sug‘urta, oylik stipendiya) Koreya tomonidan qoplanadi. Koreya tomonining ma’lumotiga ko’ra, nomzodlar o'qituvchi, ilmiy xodim, doktorant, magistrant, talabalar qatoridan bo'lishlari va muayyan talablarga javob berishlari lozim hamda ular hujjatlar natijalari asosida tanlab olinadilar. Ushbu tanlovda ishtirok etish istagida bo‘lgan nomzodlar arizalar va barcha zarur hujjatlarni ilova qilgan holda, 2025-yil 15-yanvarga qadar Xalqaro aloqalar bo’limiga (Bosh bino 604-xona) taqdim etishlari kerak. Hujjatlarga ularning ingliz yoki koreys tillariga notarial tasdiqlangan tarjimasi ilova qilinishi kerak.
Yangiliklar
171
Ayni daqiqalarda Toshkent Arxitektura-qurilish universitetining prorektorlari R.M. Xadjayev va D.Sh. Mirjalilova Yevropa Ittifoqining TEMPUS va Erasmus loyihalarining 30 yilligiga bag'ishlangan xalqaro konferensiyada ishtirok etmoqdalar.
Ayni daqiqalarda Toshkent Arxitektura-qurilish universitetining prorektorlari R.M. Xadjayev va D.Sh. Mirjalilova Yevropa Ittifoqining TEMPUS va Erasmus+ loyihalarining 30 yilligiga bag'ishlangan xalqaro konferensiyada ishtirok etmoqdalar. Konferensiyada taʼlim sohasidagi hamkorlikni rivojlantirish, tajriba almashish va xalqaro loyihalarning natijalarini muhokama qilish masalalari ko’rib chiqilmoqda. TEMPUS va Erasmus+ loyihalari universitetlararo aloqalarni kuchaytirish va taʼlim sifatida sezilarli oʻzgarishlarni amalga oshirishga hissa qo'shib kelmoqda. Bu kabi xalqaro tadbirlarda qatnashish Toshkent Arxitektura-qurilish universitetining xalqaro maydondagi nufuzini oshirishga va dunyo miqyosidagi ilg’or yutuqlardan foydalanishga imkon yaratadi.
Yangiliklar
165
Toshkent arxitektura-qurilish universiteti talabalari Moskvada o'tkazilgan TexnoNIKOL kompaniyasi tomonidan tashkil etilgan tanlovda munosib ishtirok etib, faxrli 3-o'rinni qo'lga kiritib qaytishdi.
Toshkent arxitektura-qurilish universiteti talabalari Moskvada o’tkazilgan TexnoNIKOL kompaniyasi tomonidan tashkil etilgan tanlovda munosib ishtirok etib, faxrli 3-o’rinni qo’lga kiritib qaytishdi. Universitet jamoasi ushbu yutuqdan g’ururlanadi va talabalarni erishgan natijalari bilan qutlaydi. Bu g'alaba ularga berilgan bilim va mahoratning amaliy isboti, shuningdek, universitetning xalqaro maydonda obro’sini yanada oshirishga hissa qo’shdi. Universitet rektori v.v.b. B.A.Tulaganov talabalarimizning sa’y-harakatlarini munosib e’tirof etib, ularga universitet nomidan TASHAKKURNOMA topshirdi. Talabalarimizga kelgusi ishlarida muvaffaqiyatlar, yangi yutuqlar va baland cho'qqilarni zabt etishlarini tilaymiz!
Yangiliklar
160
Xalqaro xamkorliklar yanada mustahkamlanmoqda TAQU konstruktorlik buyrosini ochish va uni davomiylashtirish maqsadida bir qator mutaxassislar Germaniyada stajirofkaga o'tashmoqda
Toshkent arxitektura-qurilish universitetining bir guruh professor-o'qituvchilari Germaniyaning Veymar shahrida joylashgan "Bauhaus-Universität Weimar" da stajirovka o'tashmoqda. O'zbekiston Respublikasi Prezidenti Shavkat Mirziyoyevning 17-sentabr kuni qabul qilgan 42-sonli bayoni asosida Toshkent arxitektura-qurilish Universitetida konstruktorlik byurosini tashkil etish ishlari olib borilmoqda. Bu loyiha doirasida universitetdagi professor-o'qituvchilar va mutaxassislar Germaniyaning Bauhaus Universitetiga borishdi. Bauhaus universiteti professori, texnika fanlari doktori Lars Abrahamczyk professor-o'qituvchilar va mutaxassislarni iliq kutib oldi va universitetning ilmiy markazlar faoliyati hamda qurilish konstruksiyalari, seysmoizolyatsiya bo’yicha Germaniya standartlari va normalari bilan tanishtirdi. Arxitektura va konstruktsiya, hamda bino va inshootlarning seysmik chidamliligi sohalaridagi qo’shma tadqiqotlar olib borish, talabalar va doktorantlar almashinuvi masalalari bo’yicha davra suhbati bo’lib o’tdi. Hozirda professor-o'qituvchilar uchun 16 qavatdan yuqori binolarni zamonaviy dasturlarda loyihalash bo'yicha mashg'ulotlar olib borilmoqda. Stjirovka davomida seysmik laboratoriya faoliyati va seysmik akselerometr o’rnatilgan inshoot bilan hamda Myunxen shahridagi seysmoizolyatorlar ishlab chiqaruvchi korxona faoliyati bilan tanishish rejalashtirilgan.