Yangiliklar
Yangiliklar
47
Toshkent arxitektura-qurilish universitetida “Rektor kubogi” tashkil etildi
Toshkent arxitektura-qurilish universiteti Menejment fakulteti tyutorlari boshchiligida talabalar o‘rtasida shaxmat va shashka sport turi bo‘yicha “Rektor kubogi” tashkil etildi. Unda ijtimoiy-maʼnaviy muhitni sogʻlomlashtirish va talabalarning boʻsh vaqtlarini mazmunli tashkil etish boʻyicha ustuvor vazifalar amalga oshirilmoqda. Bundan koʻzlangan maqsad talaba-yoshlarni aqliy rivojlantirish, sogʻlom turmush tarzini tashkil etish hamda sport mashgʻulotlariga doimiy ravishda jalb etishdan iborat. Quyidagi talabalar gʻolib deb topildi: Sherketov Izzet 40-25 guruh talabasi; Xudoynazarov Davron 41-25 guruh talabasi; Alimov Otabek 41-25 guruh talabasi. Gʻoliblar rektor va yoshlar uchrashuvida universitet rektori B.Tulaganov tomonidan taqdirlandi.
Yangiliklar
55
Toshkent arxitektura-qurilish universitetining strategik rivojlantirish bo‘yicha birinchi prorektori A.Abdukarimov Student Union faollari bilan ochiq muloqot shaklidagi davra suhbatini o‘tkazdi
Toshkent arxitektura-qurilish universitetining strategik rivojlantirish bo‘yicha birinchi prorektori A.Abdukarimov Student Union faollari bilan ochiq muloqot shaklidagi davra suhbatini o‘tkazdi.Uchrashuv davomida talabalarning ta’lim sifati, yotoqxona sharoitlari, amaliyot jarayonlari, xorijiy hamkorlik imkoniyatlari hamda universitetdagi ijtimoiy muhitga oid fikr va takliflari tinglandi.Birinchi prorektor har bir savolga batafsil javob berib, bildirilgan takliflar universitetning strategik rivojlanish rejalari doirasida albatta ko‘rib chiqilishini ta’kidladi. Shuningdek, muloqot davomida talabalarning tashabbuslarini qo‘llab-quvvatlash, ularning ijtimoiy faolligini oshirish va universitet boshqaruvida yoshlarning faol ishtirokini kengaytirish masalalari muhokama qilindi.
Yangiliklar
39
“Zilzila sodir bo‘lganda talabalarni evakuatsiya qilish” mavzusida amaliy mashg‘ulot o‘tkazildi
Toshkent arxitektura-qurilish universitetining Fuqaro va mehnat muhofazasi bo‘limi hamda Yunusobod tuman Favqulodda vaziyatlar bo‘limi xodimlari hamkorligida universitetning 1-sonli talabalar turar joyida “Zilzila sodir bo‘lganda talabalarni evakuatsiya qilish” mavzusida amaliy mashg‘ulot o‘tkazildi.Tadbirning maqsadi — favqulodda vaziyatlar yuzaga kelganda to‘g‘ri harakatlanish ko‘nikmalarini shakllantirish, talabalarni xavfsizlik qoidalariga rioya etishga o‘rgatish hamda evakuatsiya jarayonini samarali tashkil etishdan iborat bo‘ldi.Mashg‘ulotda 300 dan ortiq talaba ishtirok etdi. Tadbirda universitet Fuqarolar va mehnat muhofazasi bo‘limi boshlig‘i O. Berdiyorov, mutaxassis R. Axunov, shuningdek Yunusobod tuman Favqulodda vaziyatlar bo‘limi xodimlari — mayor M. Ubaydullaev va B. Kuchkarovlar ishtirok etishdi. Amaliy mashg‘ulot davomida talabalarga zilzila va boshqa favqulodda holatlar paytida to‘g‘ri harakatlanish, binodan xavfsiz evakuatsiya qilish hamda bir-biriga yordam ko‘rsatish bo‘yicha tavsiyalar berildi.
Tadbirlar
56
“Korrupsiya – kelajakka tahdid” mavzusida davra suhbati o‘tkazildi
Toshkent arxitektura-qurilish universitetida “Korrupsiya – kelajakka tahdid” mavzusida davra suhbati tashkil etildi. Tadbirda Toshkent davlat yuridik universiteti professori Salomat Niyozova hamda yuridik fanlar bo‘yicha falsafa doktori (PhD) Otabek Toshev ishtirok etib, talabalarga korrupsiyaning ijtimoiy xavfliligi, maishiy korrupsiya holatlarining salbiy oqibatlari va huquqiy javobgarlik masalalari yuzasidan atroflicha tushuncha berdilar.Ma’ruzachilar ta’kidladilar, arxitektura va qurilish sohasi mutaxassislari kelgusida katta javobgarlikni o‘z zimmasiga oladi. Shu sababli, universitet talabalari halollik, vijdon va mas’uliyat tamoyillariga amal qilgan holda, bilim va mehnati orqali muvaffaqiyatga erishishlari lozimligini alohida qayd etdilar.Shuningdek, ishtirokchilar yoshlarni korrupsiyaga nisbatan murosasiz bo‘lishga, qonunga hurmat bilan yondashishga hamda o‘z kelajaklarini faqat halol yo‘l bilan barpo etishga da’vat etdilar. Tadbir davomida talabalar bilan ochiq muloqot o‘tkazilib, ularning fikr va takliflari tinglandi.
E'lonlar
197
Diqqat e'lon
Hurmatli professor-o‘qituvchilar va talabalar!Sizlarni 2025-yil 10-oktyabr kuni soat 15:00 da Muhandislik fakultetining 3-binosi, 502-auditoriyasida “Qurilishda elektr ta’minoti tizimlari” fanidan “Ichki yoritish tizimlarini loyihalash” mavzusida o‘tkaziladigan ochiq darsga taklif etamiz. O‘qituvchi: “Muhandislik kommunikatsiyalari” kafedrasi assistenti Axmadaliyev Sardor Sobirjon o‘g‘li
E'lonlar
113
“Korrupsiya – kelajakga tahdid” mavzusida davra suhbati
Toshkent arxitektura-qurilish universiteti Arxitektura fakultetida Korrupsiyaga qarshi kurashish “komplaens-nazorat” tizimini boshqarish bo‘limi boshlig‘i M.Isakdjanov tomonidan talabalar bilan “Korrupsiya – kelajakga tahdid” mavzusida davra suhbati boʻlib oʻtdi.Suhbat davomida korrupsiyaning jamiyat rivojiga salbiy ta’siri, uning ta’lim tizimidagi oqibatlari va har bir yoshning halol va mas’uliyatli bo‘lishi muhimligi ta’kidlab o‘tildi. Ta’kidlanishicha, korrupsiya nafaqat shaxsiy rivojlanishga, balki kelajakdagi kasbiy obro‘ va ishonchga ham jiddiy xavf soladi.Ayniqsa, bo‘lajak arxitektorlar uchun halollik, adolat va mas’uliyat — har bir loyihaning poydevori hisoblanadi. Agar bu tamoyillar buzilsa, qurilgan inshoot emas, ishonch yemiriladi.Shu munosabat bilan u talabalarni bilimli, faol va halol bo‘lishga, hamda korrupsiyaning har qanday ko‘rinishiga murosasiz munosabatda bo‘lishga chaqirdi.Har bir talaba o‘z halolligi va adolatli faoliyati bilan korrupsiyasiz universitet muhitini yaratishga hissa qo‘shishi lozim!Shu bilan birga tadbir, ishtirokchilariga universitetda faoliyat yuritayotgan korrupsiyaga qarshi kurashish "komplaens-nazorat" tizimini boshqarish boʻlim toʻgʻrisida hamda korrupsiya va manfaatlar toʻqnashuviga oid ma'lumotlarni xabar berish tartibi boʻyicha aloqa kanallari batafsil tushtirib oʻtildi.Murojaat uchun ishonch kanallari:📌 https://t.me/taqu_corruption_bot🔗 Telegram manzili: Havola 📧 Elektron pochta: m.iskdjanov@taqu.uz📞 Ishonch telefoni: +998 55 508 03 14 Unutmang! Adolatli va shaffof ta’lim muhitini yaratish har birimizning burchimizdir. Birgalikda korrupsiyaga qarshi kurashib, halol va pok kelajak sari intilaylik!
Yangiliklar
47
Toshkent arxitektura-qurilish universiteti va “Keng Makon” mebellar fabrikasi o‘rtasida hamkorlik memorandumi imzolandi
Toshkent arxitektura-qurilish universiteti rektori Baxrom Tulaganov O‘zbekistondagi yirik mebel ishlab chiqaruvchi korxonalardan biri — “Keng Makon” mebellar fabrikasi rahbari Abduraxim Abduraxmanov bilan uchrashuv o‘tkazdi.Uchrashuv davomida tomonlar ta’lim jarayonini amaliyot bilan uzviy bog‘lash, talabalar uchun ishlab chiqarish amaliyotini tashkil etish hamda dual ta’lim tizimini yo‘lga qo‘yish masalalarini muhokama qildilar.Hamkorlik doirasida universitet talabalari “Keng Makon” fabrikasida amaliy ko‘nikmalarni egallash, zamonaviy mebel dizayni va ishlab chiqarish texnologiyalari bilan tanishish imkoniyatiga ega bo‘ladi.Uchrashuv yakunida ikki tomon o‘rtasida o‘zaro manfaatli hamkorlikni yo‘lga qo‘yish bo‘yicha memorandum imzolandi. Mazkur hujjat yosh mutaxassislarni mehnat bozoriga tayyorlash, innovatsion g‘oyalarni ishlab chiqarishga joriy etish hamda universitet va sanoat korxonalari o‘rtasidagi integratsiyani mustahkamlashga xizmat qiladi. Mazkur tashabbus Toshkent arxitektura-qurilish universitetida ta’lim sifati va amaliy yo‘nalishni yanada kuchaytirish yo‘lidagi navbatdagi muhim qadam bo‘ldi.
E'lonlar
320
Diqqat e'lon
TAKLIFNOMAHurmatli hamkasblar, arxitektorlar, shaharsozlar va sohaning yetakchi mutaxassislari!Toshkent Arxitektura-Qurilish Universiteti Sizni joriy yil 16–17 oktabr kunlari Toshkent shahridagi “Azimut Grand Hotel Tashkent” (oldingi intercontinental) mehmonxonasi va universitetimizda bo‘lib o‘tadigan “Barqaror rivojlanish yo‘lida arxitektura va shaharsozlik muammolari” mavzusidagi Xalqaro ilmiy-amaliy konferensiyaga taklif etadi.Konferensiya dasturi:• Zamonaviy arxitekturada ilg‘or yondashuvlar va konseptual g‘oyalar;• Barqaror shaharsozlik modellari va ularning amaliyotdagi qo‘llanilishi;• Innovatsion qurilish texnologiyalari va energiya samarador yechimlari;• Milliy va xalqaro tajriba almashish, ilmiy hamkorlik platformasi.Konferensiya ahamiyati:Ushbu tadbir orqali ishtirokchilar ilg‘or tajribalarni o‘rganish, dunyo arxitekturasi namoyandalari bilan muloqot qilish va global ilmiy hamkorlik aloqalarini mustahkamlash imkoniyatiga ega bo‘ladilar. Shu bilan birga, konferensiya ishtirokchilari uchun Zaha Hadid Architects va boshqa nufuzli xalqaro arxitektura byurolari vakillari bilan yuzma-yuz uchrashish, to‘g‘ridan-to‘g‘ri tajriba va maslahatlar olish kabi juda noyob imkoniyat yaratiladi. Shu bilan birga, O‘zbekiston arxitektorlari uchun xalqaro maydonda raqobatbardosh mutaxassis sifatida shakllanish va o‘z loyihalarini global bozorga olib chiqish yo‘lida muhim qadam hisoblanadi.📍 Manzil: Toshkent, Amir Temur ko‘chasi 107A🗓 Sana: 16 oktabr 2025 y.⏰ Boshlanish: 09:30📍 Manzil: Toshkent, Yangishahar ko‘chasi 9🗓 Sana: 17 oktabr 2025 y.⏰ Boshlanish: 09:30👉 Ro‘yxatdan o‘tish havolasi: archconf.taqu.uz Sizni ushbu nufuzli xalqaro tadbir ishtirokchilari safida ko‘rishdan mamnun bo‘lamiz! Hurmat bilan, Toshkent arxitektura-qurilish universiteti konferensiya tashkiliy jamoasi.
Tadbirlar
56
Rektor va yoshlar uchrashuvi
Toshkent arxitektura-qurilish universiteti rektori B.A.Tulaganov Arxitektura fakulteti talabalari bilan uchrashuv oʻtkazdi.Unda Talabalar orasida ijtimoiy-ma’naviy muhit barqarorligini ta’minlashga mas’ul bo’lgan rektor maslaxatchisi N.Nishonboyev, Korrupsiyaga qarshi kurashish “Komplayens-nazorat” tizimini boshqarish bo‘limi boshlig‘i M.Isakdjanov, tyutorlar va talaba-yoshlar ishtirok etdi.Ochiq muloqot tarzida oʻtgan uchrashuvda universitetda tahsil olayotgan talabalarga sifatli taʼlim olishi uchun yaratilgan shart-sharoitlar va imkoniyatlarni taʼkidlab oʻtildi hamda xalqaro hamkorlik, loyihalar va yangiliklar toʻgʻrisida maʼlumot berildi. Shuning bilan birga universitet ichki tartib qoidalari, odob-ahloq qoidalari haqida ham tushuntirish ishlari olib borildi. Undan tashqari talabalarni qiziqtirgan barcha savollarga to'laqonli javob berildi.