Yangiliklar
E'lonlar
725
ʻʻEng faol yil talabasi” tanlovi
Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi ʻʻEng faol yil talabasi” tanlovini eʼlon qiladi.📌Tanlovda Toshkent arxitektura-qurilish universitetda uzluksiz (akademik ta’tilsiz) kunduzgi ta’lim shaklida o‘qib kelayotgan 2-, 3-, 4-bosqich talabalari ishtirok etishi mumkin. Mazkur tanlovda oldingi yillarda ishtirok etib 1-, 2- va 3-o‘rinni egallagan talabalarning qayta ishtirok etishiga yo‘l qo‘yilmaydi.📌Tanlovda quyidagi 7 ta nominatsiya bo‘yicha g‘oliblar aniqlanadi:Yilning o‘z mutaxassisligi bo‘yicha eng bilimdon talabasi;Yilning eng faol targ‘ibotchi talabasi;Yilning eng faol ixtirochi-innovator talabasi;Yilning eng faol sportchi talabasi;Yilning eng faol iqtidorli talabasi Yilning eng faol ijodkor talabasi;Yilning eng faol tadbirkor talabasi (xotin-qizlar uchun). 📌Tanlov nominatsiyalari bo‘yicha birinchi OTM bosqichida yuqori o‘rinlarni egallagan g‘oliblar oliy taʼlim muassasasining faxriy yorlig‘i va tegishli ravishda bazaviy hisoblash miqdorining 8, 6 va 4 barobari miqdorida pul mukofoti bilan taqdirlanadi.📌Respublika bosqichi esa joriy yilning noyabr oyida tashkil etiladi. Ushbu bosqich g‘oliblari Oliy ta’lim, fan va innovatsiyalar vazirligi diplomi, maxsus statuetka hamda bazaviy hisoblash miqdorining 1-o‘rin 15 barobari, 2-o‘rin 10 barobari va 3-o‘rin 8 barobari miqdorida pul mukofoti bilan taqdirlanadi.📌 Nizomi📌Hujjatlar Universitetning Iqtidorli talabalar va bitiruvchilar bilan ishlash bosh bino 307-xonada masʼullari tomonidan qabul qilinadi. Ishtirok etish uchun oʻz oliygohingiz masʼullariga murojaat qiling.📝Hujjatlarni qabul qilish muddati 14-noyabrgacha. TAQU Yoshlar ittifoqi
E'lonlar
165
Diqqat e'lon
Toshkent arxitektura-qurilish universitetida tahsil olayotgan isteʼdodli talabalar diqqatiga! 📅 1-noyabr kuni📍Manzil: Faollar zali⏰Oʻtkazish vaqti: 11:00Toshkent arxitektura-qurilish universiteti iste'dodli talabalari oʻrtasida 🎭"Talabalar teatr studiyalari"🎭 tanlovi boʻlib oʻtadi. Ishtirokchilar spektakl namoyish qilishlari va tanlov nizomida belgilangan shartlarga tayyorgarlik koʻrishlari kerak.Talabalar teatr studiyasi nizomi haqida batafsil…
E'lonlar
107
Diqqat e'lon
Hurmatli professor-o‘qituvchilar va talabalar!Sizlarni 2025-yil 17-oktyabr kuni soat 16:30 da Muhandislik fakultetining 3-binosi, 103-auditoriyasida “Muqobil energiya manbalaridan foydalanish” fanidan “Shamol elektr agregatining ishlash prinsipi va shamol energetikasining muammolari” mavzusida o‘tkaziladigan ochiq darsga taklif etamiz. O‘qituvchi: “Muhandislik kommunikatsiyalari” kafedrasi assistenti Adhamova Gulnoza Olimjon qizi
Yangiliklar
47
Toshkent arxitektura-qurilish universitetida 90 yillik yubiley tantanasi bo‘lib o‘tdi
Toshkent arxitektura-qurilish universitetida O‘zbekiston Muhandislik akademiyasi akademigi, texnika fanlari doktori Erkin Qosimovning 90 yillik yubileyi tantanali ravishda nishonlandi. Tadbir davomida ustozning ilm-fan sohasidagi yuksak xizmatlari, yosh kadrlarni tayyorlashdagi fidoyiligi hamda qurilish sohasining rivojiga qo‘shgan beqiyos hissasi alohida e’tirof etildi. Yubiley munosabati bilan universitet rahbariyati va kasaba uyushmasi tomonidan akademikka esdalik sovg‘alari topshirildi.
-20251104110750.jpg)
Yangiliklar
58
Toshkent arxitektura-qurilish universitetida xalqaro ilmiy-amaliy konferensiya bo'lib o'tmoqda
Ayni daqiqalarda Toshkent arxitektura-qurilish universiteti tomonidan “Barqaror rivojlanish yo‘lida arxitektura va shaharsozlik muammolari” mavzusidagi xalqaro ilmiy-amaliy konferensiyaning birinchi qismi o‘tkazilmoqda.Mazkur nufuzli tadbir Azimut Grand Hotel Tashkent mehmonxonasida bo‘lib o‘tmoqda. Unda mamlakatimiz hamda xorijdagi yetakchi oliy ta’lim muassasalari, ilmiy-tadqiqot institutlari vakillari, soha mutaxassislari va olimlar ishtirok etmoqda. Konferensiya doirasida barqaror arxitektura, shaharsozlik, ekologik muvozanat va innovatsion qurilish yechimlari bo‘yicha dolzarb masalalar muhokama qilinmoqda.
Yangiliklar
43
TAQU Yoshlar ittifoqi boshlang‘ich tashkilotining saylov-hisobot yig‘ilishi bo‘lib o‘tdi
2025-yil 13-oktabr kuni Toshkent arxitektura-qurilish universitetida O‘zbekiston yoshlar ittifoqi TAQU boshlang‘ich tashkilotining hisobot-saylov yig‘ilishi o‘tkazildi.Tadbirda universitet rahbariyati, yoshlar masalalari va ma’naviy-ma’rifiy ishlar bo‘yicha prorektor S. Mardov, fakultet dekanlari, professor-o‘qituvchilar va talabalar ishtirok etishdi.Yig‘ilish davomida Mirzaxmedov Shohruh Anvarovich TAQU Yoshlar ittifoqi boshlang‘ich tashkiloti yoshlar yetakchisi etib saylandi.Tadbir soʻngida, fakultet va yoʻnalish koordinatorlariga “Ishonch yorliqlari” topshirildi. TAQU Yoshlar ittifoqi
-20251031152012.jpg)
Tadbirlar
47
Toshkent arxitektura-qurilish universitetida "Maʼrifat ulashib" loyihasi doirasida tadbir boʻlib oʻtdi
Unda Oʻzbekiston Yozuvchilar uyushmasi a'zosi, Oʻzbekiston Respublikasida xizmat koʻrsatgan madaniyat xodimi Suvon Meliyev, Muhammad Yusuf nomidagi jamoat fondi rahbari, "Oltin qalam" gazeta bosh muharriri Nazira As-salom, Oʻzbekiston yozuvchilar uyushmasi va Jurnalistlar uyushmasi a'zosi, "Doʻstlik" ordeni sohibi Toʻlqin Eshbek, Yoshlar masalasi va ma'naviy-ma'rifiy ishlar prorektori S.Mardov, dekan muovinlari, tyutorlar va talaba-yoshlar ishtirok etdilar.“Ma’rifat ulashib" loyihasi Toshkent arxitektura-qurilish universitetida ma’naviy-ma’rifiy ishlarning izchil tizimini shakllantirish, talabalarning kitobxonlik madaniyatini yuksaltirish va ularni barkamol shaxs sifatida tarbiyalashda muhim o‘rin tutadi. Loyiha nafaqat adabiyot va ijodga mehr uyg‘otadi, balki yoshlar qalbida ezgulik, insonparvarlik va milliy g‘urur tuyg‘ularini mustahkamlaydi.Ijodiy uchrashuvda adiblar oʻzlarining hayot va ijod yo‘li, ustozlar o‘gitlari, shoir yuragining hamisha uyg‘oqligi haqida so‘zladi. Adiblar oʻzlarining she’rlaridan namunalar o‘qib berish bilan birga, ularning yozilish tarixi bilan ham o‘rtoqlashdi. Uchrashuv davomida iqtidorli talabalarimiz tomonidan Choʻlpon hayotidan saxna koʻrinishi ijro etildi, go'zal talaba qizlar raqsga tushdilar, shuningdek xushovoz talaba tomonidan jonli ovozda aytilgan diltortar navolar tadbir qatnashchilari qalbiga ko‘tarinki ruh bag‘ishladi. Tadbir soʻngida Yoshlar masalasi va ma'naviy-ma'rifiy ishlar prorektori S.Mardov universitet nomidan mehmonlarga minnatdorchilik bildirib, estalik sovgʻalar taqdim etdi.
Tadbirlar
40
Toshkent arxitektura-qurilish universitetida "Maʼrifat ulashib" loyihasi doirasida ijodiy uchrashuv boʻlib oʻtdi
Ijodiy uchrashuv mehmonlari Oʻzbekiston Yozuvchilar uyushmasi a'zosi, Oʻzbekiston Respublikasida xizmat koʻrsatgan madaniyat xodimi Suvon MeliyevMuhammad Yusuf nomidagi jamoat fondi rahbari, "Oltin qalam" gazeta bosh muharriri Nazira As-salomOʻzbekiston yozuvchilar uyushmasi va Jurnalistlar uyushmasi a'zosi, "Doʻstlik" ordeni sohibi Toʻlqin Eshbeklarni universitet rektori B.Tulaganov hamda Yoshlar masalalari va maʼnaviy-maʼrifiy ishlar prorektori S.Mardov va uning jamoasi tomonidan koʻtarinki kayfiyatda kutib olindi. Tadbir davomida "Yashil makon" loyihasi doirasida universitet rektori B.Tulaganov boshchiligida universitet hovlisida ijodkorlar bilan birgalikda daraxt koʻchatlari ekildi.
Yangiliklar
48
Toshkent arxitektura-qurilish universitetida 209-PQ bo'yicha uchrashuv o‘tkazildi
O‘zbekiston Respublikasi Prezidentining “Toshkent arxitektura-qurilish universiteti faoliyatida ta’lim tizimi samaradorligini oshirish va ilmiy tadqiqotlarning amaliyot bilan integratsiyasini ta’minlash chora-tadbirlari to‘g‘risida” 2025-yil 1-iyuldagi PQ–209-son qarorining 7-band (iv) kichik bandida belgilangan vazifalar ijrosini ta’minlash, shuningdek TAQU Akademik faoliyat bo‘yicha prorektori tomonidan berilgan 03/1082-sonli xizmat xati ijrosini amalga oshirish maqsadida Termiz davlat universiteti tajribasi misolida uchrashuv o‘tkazildi. Uchrashuv davomida kafedralar va fakultetlar faoliyatini avtomatik baholash tizimini joriy etish, samaradorlik ko‘rsatkichlarini tahlil qilish va ularni ta’lim jarayoniga tatbiq etish bo‘yicha fikr almashildi.