Yangiliklar
E'lonlar
301
Obidjonov Jahongir Toxir o’g’lining doktorlik (PhD) dissertatsiyasining himoya majlisiga taklif etamiz
2025 yilning 6-may kuni soat 10:00 da J.T.Obidjonovning doktorlik (PhD) dissertatsiyasi muhokamasi offline va online (masofaviy) tarzida o’tkazilishi rejalashtirilgan. Shu munosabat bilan sizlarni Toshkent arxitektura-qurilish universiteti qoshidagi DSc.26/30.12.2019.T.11.01 raqamli ilmiy Kengashning himoya majlisiga taklif etamiz.Kun tartibi: Obidjonov Jahongir Toxir o’g’lining 05.09.05–“Qurilish materiallari va buyumlari” ixtisosligi bo’yicha “Monolit qurilish uchun fibrobetonlarning samarador tarkiblarini ishlab chiqish” mavzusidagi tayyorlagan doktorlik (PhD) dissertatsiyasi himoyasi.
Tadbirlar
248
“Milliy qadriyatlar sayli”
Toshkent arxitektura-qurilish universiteti tomonidan Adiblar xiyobonidagi Zokirjon Muhammad oʻgʻli Furqat siymosi oldida universitet talabalari oʻrtasida “Milliy qadriyatlar sayli” tanlovi bo‘yicha quyidagi natijalar qayd etildi1-o‘rin K.Abduraximova Muhandislik fakulteti 34-23 guruh talabasi,2- o‘rin K.Asatullayeva Arxitektura fakulteti 5-23 guruh talabasi,3- o‘rin D.Baymuxamedova Arxitektura fakulteti 5-24 guruh talabalari faxirli o‘rinlarni egalladilar.“Bilimlar estafetasi” tanlovi bo‘yicha quyidagi natijalar qayd etildi:1- o‘rin Sh.Eshmurodov Arxitektura fakulteti 1-24 guruh talabasi,2- o‘rin Q.Ibragimov Qurilish fakulteti 30-24 guruh talabasi,3- o‘rin O.Nazrullayev Arxitektura fakulteti 12-24 guruh talabasi faxirli o‘rinlarni egalladilar."Zakovat" tanlovi bo‘yicha quyidagi natijalar qayd etildi:1- o‘rin Menejment fakulteti;2- o‘rin Arxitektura fakulteti;3- o‘rin Qurilish fakulteti.Barcha gʻoliblarni muborakbod etamiz!
Tadbirlar
221
Rektor B. Tulaganov 1-sonli talabalar turar joyida bo‘ldi
Toshkent arxitektura-qurilish universiteti rektori B. Tulaganov 1-sonli talabalar turar joyida bo‘lib, u yerda yashayotgan talabalar bilan bevosita muloqot o‘tkazdi. Uchrashuv davomida talabalar bilan ochiq va samimiy suhbat qurilib, ularning fikr va takliflari diqqat bilan tinglandi. Talabalar tomonidan ilgari surilgan g‘oya va tashabbuslarga alohida e’tibor qaratilib, ularni amaliyotga joriy etish imkoniyatlari yuzasidan fikr almashildi.
E'lonlar
339
Reyimbayev Shuxrat Sadullaevichning fan doktori (DSc) dissertatsiyasi himoyasi
Reyimbayev Shuxrat Sadullaevichning 18.00.01 – Arxitektura nazariyasi va tarixi. Arxitektura yodgorliklarini ta’mirlash va tiklash ixtisosligi bo‘yicha “Arxitektura-tarixiy muhitni qayta tiklashning innovatsion metodologiyasi (Samarqand shahri misolida)” mavzusidagi arxitektura bo‘yicha fan doktori (DSc) dissertatsiyasining himoyasi Toshkent arxitektura-qurilish universiteti huzuridagi ilmiy darajalar beruvchi PhD.03/08.05.2024.A.11.02 raqamli bir martalik Ilmiy kengashning 2025 yil 25 aprel kuni soat 10:00 dagi majlisida bo‘lib o‘tadi. Manzil: Yunusobod tumani, Yangishahar ko‘chasi 9-uy, 4-bino 5-qavat majlislar zali.Tel/faks: (71) 235-43-30, 234-15-11, e-mail: devon@taqu.uz
E'lonlar
333
Sadikova Sitorabonu Nematdjonovnaning fan doktori (DSc) dissertatsiyasi himoyasi
Sadikova Sitorabonu Nematdjonovnaning 18.00.02 - Rayonlashtirish. Shaharsozlik. Qishloq turar joylarini rejalashtirish. Landshaft arxitekturasi. Bino va inshootlar arxitekturasi ixtisosligi bo‘yicha “Oʻzbekistonda barqaror turizmni rivojlantirish uchun Temuriylar bogʻlarini me’moriy qayta tiklash strategiyasida GAT (Samarqand viloyati misolida)” mavzusidagi arxitektura bo‘yicha fan doktori (DSc) dissertatsiyasining himoyasi Toshkent arxitektura-qurilish universiteti huzuridagi ilmiy darajalar beruvchi PhD.03/08.05.2024.A.11.02 raqamli bir martalik Ilmiy kengashning 2025 yil 24 aprel kuni soat 10:00 dagi majlisida bo‘lib o‘tadi. Manzil: Yunusobod tumani, Yangishahar ko‘chasi 9-uy, 4-bino 5-qavat majlislar zali.Tel /faks: (71) 235-43-30, 234-15-11, e-mail: devon@taqu.uz
Yangiliklar
323
Belarus Milliy Texnika Universiteti delegatsiyasi bilan uchrashuv
Qo‘shma ta’lim dasturlari asosida o‘qitishni yanada kengaytirish, talabalar almashinuvini yo‘lga qo‘yish hamda boshqa yo‘nalishlarda hamkorlik doirasini kengaytirish maqsadida, joriy yilning 9 aprel kuni Toshkent arxitektura-qurilish universitetida Belarus Milliy Texnika Universiteti delegatsiyasi bilan uchrashuv bo‘lib o‘tdi. Uchrashuv davomida tomonlar o‘rtasida ta’lim sohasidagi hamkorlikning turli jihatlari muhokama qilindi. Xususan, 2025–2026 o‘quv yilida bakalavriat ta’lim yo‘nalishlari hamda magistratura mutaxassisliklariga talabalarni qabul qilish bo‘yicha kelishuvga erishildi.
Tadbirlar
267
Toshkent arxitektura-qurilish universitetida yoshlarni qutqaruvchilik kasbiga qiziqtirish bo‘yicha amaliy uchrashuv o‘tkazildi
Yunusobod tumani Favqulodda vaziyatlar bo‘limi tomonidan Toshkent arxitektura-qurilish universitetida talabalarni qutqaruvchilik kasbiga qiziqtiриsh, ularni yong‘in xavfsizligi qoidalari bilan yaqindan tanishtirish maqsadida navbatdagi targ‘ibot uchrashuvi tashkil etildi. Mazkur tadbirda katta leytenant T. Quchqarov, katta leytenant B. Lutfullaev va mayor Sh. Salixovlar tomonidan talabalar uchun favqulodda vaziyatlarda to‘g‘ri harakat qilish, yong‘in sodir bo‘lganda evakuatsiya qilish tartibi, dastlabki yong‘inni o‘chirish vositalaridan foydalanish bo‘yicha nazariy va amaliy ko‘nikmalar berildi. Uchrashuvda Fuqaro va mehnatni muhofaza qilish bo‘limi boshlig‘i O. Berdiyorov hamda yong‘in xavfsizligi instruktori R. Axunovlar ham ishtirok etib, yong‘in xavfsizligini ta’minlashda har bir fuqaroning mas’uliyati haqida so‘z yuritdilar. Tadbir doirasida talabalar ishtirokida yong‘in o‘chirish uskunalari bilan ishlash, o‘t o‘chirish moslamalaridan foydalanish bo‘yicha amaliy mashg‘ulotlar ham o‘tkazildi. Talabalar yong‘inga qarshi kurashish bo‘yicha ko‘nikmalarni o‘zlari sinab ko‘rishdi va mutaxassislar rahbarligida mashqlarni muvaffaqiyatli bajarishdi. Uchrashuvda bino va inshootlar qurilishi fakulteti hamda muhandislik fakulteti talabalari, dotsent Farhod Xonturayev Safarovich va Matematika va tabiiy fanlar kafedrasi vakillari faol ishtirok etdilar.
Tadbirlar
302
Amir Temur tavalludining 689 yilligi munosabati bilan poytaxtda tantanali tadbir bo‘lib o‘tdi
Bugun yurtimizda buyuk sarkarda, dono siyosatchi va davlat arbobi Sohibqiron Amir Temur tavalludining 689 yilligi keng nishonlanmoqda. Ushbu muhim sana munosabati bilan ertalabdan Toshkent shahridagi Amir Temur haykali poyiga gullar qo‘yilib, xalqimiz qalbida chuqur iz qoldirgan tarixiy siymoga hurmat bajo keltirildi. Shu bilan birga, ma’naviy-ma’rifiy ruhda boyitilgan tantanali tadbir tashkil etildi. Poytaxtimizning yuragi sanalmish Amir Temur xiyobonida o‘tkazilgan mazkur tadbirda turli sohalarning yetuk vakillari ishtirok etdilar. Jumladan, Oliy Majlis Qonunchilik palatasi deputatlari, vazirlik va idoralar rahbarlari, fan va ta’lim sohasining nufuzli olimlari, keng jamoatchilik vakillari, yoshlar hamda madaniyat arboblari tadbirga tashrif buyurdi. Toshkent arxitektura-qurilish universiteti rektori v.b. B.Tulaganov ham ushbu muhim tadbirda faol ishtirok etib, Amir Temur merosining zamonaviy taraqqiyotimizdagi o‘rniga oid fikr-mulohazalarini bildirdi.
E'lonlar
284
Nagoya University Osiyo satellit campuslari institutining 2025 yildagi doktorantura dasturlariga qabul boshlanganligini ma’lum qiladi
Doktorlik ta’lim dasturining o‘ziga xos xususiyati shundaki, nomzod o‘z mehnat faoliyatidan ajralmagan holda 3 yil davomida Nagoya universitetida doktorlik tadqiqotini amalga oshiradi. O‘quv yili mobaynida doktorant bir necha marotaba Nagoya universitetiga intensiv tadqiqot uchun taklif qilinadi. Shuningdek, doktorant individual o‘quv va tadqiqot jadvali asosida Nagoya universiteti professorlari va hodimlarining har tomonlama ko‘magida o‘z ilmiy ishini olib boradi. Ta’lim va tadqiqot hamda Nagoya universitetiga tashrif bilan bog‘iq barcha xarajatlar yapon tomonidan qoplanadi.Doktoranturaga hujjat topshirish muddati:1) Huquqshunoslik, siyosatshunoslik va xalqaro munosabatlar yo‘nalishidagi dasturga 2025 yilning 25 aprel kuni (juma) soat 18:00 (O‘zbekiston vaqti) etib belgilangan.2) Pedagogika va inson resurslarini rivojlantirish hamda psixologiya fanlari yo‘nalishidagi dasturga 2025-yilning 21-aprel kuni (dushanba) soat 18:00 (O‘zbekiston vaqti) etib belgilangan.Dastur bilan bog‘liq batafsil ma’lumot olish uchun Nagoya universiteti vakolatxonasiga murojaat qilishingiz mumkin. Manzil: Amir Timur ko‘chasi, 107, 14-B, Xalqaro biznes markaziTel: 71-238-94-05/06Elektron pochta: elmurodov@nagoya-university.uz.