Yangiliklar
Yangiliklar
26
Toshkent arxitektura-qurilish universiteti rektori Namanganda
O‘zbekiston Respublikasi Prezidentining PQ-209-son qarori ijrosini ta’minlash maqsadida Namangan viloyati hokimligida hududlarni rivojlantirish masalalari bo‘yicha uchrashuv bo‘lib o‘tdi.Mazkur uchrashuvda Toshkent arxitektura-qurilish universiteti rektori Baxrom Tulaganov ishtirok etdi. Muloqot davomida investitsiya masalalari, Namangan viloyatida qurilish chiqindilarini qayta ishlash va ulardan samarali foydalanish, qurilish sifatini oshirish hamda bir qator boshqa dolzarb yo‘nalishlar yuzasidan kelishuvlarga erishildi. Uchrashuv yakunida tomonlar o‘zaro hamkorlikni yanada mustahkamlash, yangi qo‘shma loyihalarni amalga oshirish va istiqboldagi rejalarni bosqichma-bosqich tatbiq etish bo‘yicha kelishib oldilar.
-20251013094926.jpg)
E'lonlar
119
Toshkent arxitektura-qurilish universiteti Registrator ofisi
Toshkent arxitektura-qurilish universiteti Registrator ofisi talabalarning o‘qish jarayonida yuzaga keladigan masalalarini hal etish va muammolarini bartaraf etishda faoliyat yuritmoqda. Ofis barcha talabalar uchun qulay va samarali xizmat ko‘rsatishni davom ettirmoqda.📞Qo‘shimcha ma’lumot uchun: +998 55 508 02 91
E'lonlar
35
Diqqat e'lon
Hurmatli talabalar, professor-o‘qituvchilar va universitet xodimlari!Toshkent arxitektura-qurilish universiteti halollik, adolat va shaffoflik tamoyillariga sodiq holda korrupsiyaga qarshi kurashishda qat’iy pozitsiyada turadi. Shu maqsadda universitetimizda “Komplayens nazorat” tizimi joriy etilgan bo‘lib, u ta’lim jarayonida yuzaga kelishi mumkin bo‘lgan manfaatlar to‘qnashuvi, tamagirlik, poraxo‘rlik, vositachilik, firibgarlik, tanish-bilishchilik, mahalliychilik kabi korrupsion holatlarning oldini olish va ularning oldini olish uchun samarali choralar ko‘rishga xizmat qiladi.Universitet jamoasi barchani korrupsiyaga qarshi kurashda faol ishtirok etishga chaqiradi!Agar siz:📍 Imtihon va nazorat ishlari davomida noqonuniy holatlarga duch kelsangiz;📍 Bitiruv malakaviy ishi yoki boshqa akademik jarayonlarda noqonuniy talablar qo‘yilayotganini sezsangiz;📍 Ta’lim jarayonida adolatsizlik yoki shaffoflik buzilishining guvohi bo‘lsangiz, bu haqida darhol xabar berishingizni so‘raymiz.Sizning murojaatingiz qat’iy maxfiylik asosida ko‘rib chiqiladi hamda har bir holat bo‘yicha tegishli choralar ko‘riladi.Murojaat uchun ishonch kanallari:📌 https://t.me/taqu_corruption_bot🔗 Telegram manzili: Havola 📧 Elektron pochta: m.iskdjanov@taqu.uz📞 Ishonch telefoni: +998 55 508 03 14 Unutmang! Adolatli va shaffof ta’lim muhitini yaratish har birimizning burchimizdir. Birgalikda korrupsiyaga qarshi kurashib, halol va pok kelajak sari intilaylik!
Yangiliklar
32
Toshkent arxitektura-qurilish universitetida maktab o‘quvchilari uchun qo‘shimcha darslar tashkil etildi
Toshkent arxitektura-qurilish universiteti Yunusobod tumanidagi 250 va 273-sonli umumta’lim maktablari bilan hamkorlik memorandumi imzoladi.Mazkur hamkorlik doirasida 7–9-sinf o‘quvchilari uchun “Fizika”, “Geometriya” va “Chizmachilik” fanlarining arxitektura, dizayn, muhandislik hamda sun’iy intellekt yo‘nalishlariga oid darsdan tashqari mashg‘ulotlar yo‘lga qo‘yildi. Ushbu tashabbus “maktab - texnikum (litsey) - universitet” tizimini samarali yo‘lga qo‘yishga xizmat qilib, yoshlar orasida sohaga qiziqishni kuchaytirmoqda.
Yangiliklar
24
Yoshlar ittifoqi koordinatorlari tomonidan "Kitobxon talaba" mavzusida tanlov o'tkazildi
Toshkent arxitektura-qurilish universitetida Yoshlar ittifoqi koordinatorlari tomonidan 📖"Kitobxon talaba" mavzusida tanlov o'tkazildi.Tanlovda talabalar o'zlari sevib o'qigan asarlari orqali taqdimot tayyorlab, o'z fikrlarini bayon etishdi.Tanlov natijalariga ko'ra:🥇-o'rinni Zoirboyeva Sevinch Arxitektura fakulteti 16-25 guruh talabasi🥈-o'rinni Normamatova Dilfuza Arxitektura fakulteti 10-25 guruh talabasi🥉-o'rinni Abdug'aniyev Hasan Arxitektura fakulteti 2-25 guruh talabasi egalladi.🏅G'olib bo'lgan talabalarga diplom topshirildi. TAQU Yoshlar ittifoqi
Tadbirlar
289
E'tibordasiz, e'tirofdasiz - aziz Ustozlar!
Toshkent arxitektura-qurilish universitetida 1-oktyabr - Oʻqituvchi va murabbiylar kuni munosabati bilan universitet pedagog oʻqituvchilari, xodimlari hamda faxriy professor-oʻqituvchilar ishtirokida bayram tadbiri boʻlib oʻtdi.Tadbirni universitet rektori B.A.Tulaganov ustoz va murabbiylarni bugungi kasb bayramlari bilan tabriklab, kelajak egalariga ta'lim-tarbiya berish yoʻlidagi faoliyatlariga ulkan muvaffaqiyatlar tilgan holda ochib berdi. Shuningdek Oʻzbekiston Respublikasi Qurilish va uy-joy kommunal xoʻjaligi vaziri Sh.S.Xidoyatov bayram mehmoni boʻlib, oʻzlarining dil isxorlari bilan barcha ta'lim sohasi vakillarini ushbu ulugʻ ayyom bilan muborakbod etdi. Vazirlik tomonidan bir qancha sovgʻalar topshirildi.Iqtidorli talabalar tomonidan ko'plab kuy-qoʻshiqlar, she'r va raqslar ijro etilib ustozlarni bayram bilan tabriklandi. Tadbir davomida universitet bir qator professor-oʻqituvchilari "Oliy ta'lim a'lochisi" koʻkrak nishoni hamda Kasaba uyushmasi qoʻmitasi tomonidan koʻp yillik samarali mehnati, kasbiga fidoiyligi va intellektual qobiliyati bilan yuksak hurmat va ehtiromga sazovor boʻlgan xodimlarga faxriy yorliq hamda esdalik sovgʻalari topshirildi.
Yangiliklar
252
Toshkent arxitektura-qurilish universiteti professor- o'qituvchilari bayramona kutib olindi
1-oktabr – O‘zbekiston ta’lim tizimida muhim sana: O‘qituvchi va murabbiylar kuni. Bu kun nafaqat o‘qituvchilar, balki bizning hayotimizda iz qoldirgan barcha ustozlar – bilim beruvchi, tarbiya qiluvchi va yo‘l-yo‘riq ko‘rsatuvchi insonlarga bag‘ishlangan.Erta tongdan Toshkent arxitektura-qurilish universitetida talabalarga ta'lim-tarbiya berishda, ularning jamiyat uchun nafi tegadigan komil shaxs bo'lishlarida mashaqqatli mehnat qilayotgan barcha professor-o'qituvchilar va xodimlar 1-oktyabr - Oʻqituvchi va murabbiylar kuni munosabati bilan universitet ostonasida mo'tabar ustozlar musiqasi sadolari ostida gullar bilan tantanali kutib olindi. Siz, aziz ustozlarni kasb bayramingiz bilan samimiy qutlaymiz!
Tadbirlar
101
“Korruptsiya – bilimga tahdid!” shiori ostida uchrashuv
Toshkent arxitektura-qurilish universitetida “Korruptsiya – bilimga tahdid!” shiori ostida faol talabalar bilan uchrashuv bo‘lib o‘tdi. Tadbirni Korruptsiyaga qarshi kurashish va komplaens nazorati bo‘limi boshlig‘i M. Isakjanov olib bordi.Suhbat davomida talabalarning taklif va mulohazalari tinglanib, universitetda antikorruptsiyaviy jamoatchilik nazoratini tashkil etish masalalari muhokama qilindi. Talabalar ta’lim jarayonida adolat, poklik va shaffoflikni ta’minlashda yoshlarning faol ishtiroki hal qiluvchi ahamiyatga ega ekanini ta’kidladilar.Shuningdek, tashabbuskor talabalar guruhi shakllantirilib, kelgusida turli antikorruptsiyaviy tadbirlarni amalga oshirish rejalari belgilab olindi. Uchrashuvning asosiy maqsadi – universitetda korruptsiyaga nisbatan murosasiz munosabatni kuchaytirish, shuningdek, talabalar uchun pok, sog‘lom va adolatli ta’lim muhitini ta’minlashdan iboratdir.
E'lonlar
125
Vazir va Yoshlar!
Qurilish va uy-joy kommunal xo‘jaligi vaziri Sh.Hidoyatovning yoshlar bilan muloqoti.Uchrashuvni Toshkent arxitektura-qurilish universiteti rektori B.A.Tulaganov kirish so'zi bilan ochib, so'zni Qurilish va uy-joy kommunal xo‘jaligi vaziri Sh.Hidoyatovga berdi.Vazir so‘zining avvalida bugungi kunda mamlakatimizda davlatimiz rahbari boshchiligida qurilish va uy-joy kommunal xo‘jaligi sohasida amalga oshirilayotgan ulkan o‘zgarishlarga to‘xtalib o‘tdi. Jumladan, sohada zamonaviy boshqaruv tizimlarini joriy etish, shaharsozlikni yangi bosqichga ko‘tarish, infratuzilmani modernizatsiya qilish, shuningdek, raqamlashtirish jarayonlari izchil amalga oshirilayotgani qayd etildi.Suhbat davomida davomida vazir yoshlarga murojaat qilib, ulardan ijodkorlik, tashabbuskorlik va yangicha fikrlashni talab etuvchi global jarayonlarga faol qo‘shilishni ta’kidladi.“Butun dunyo sayyohlarini lol qoldiradigan, O‘zbekistonning o‘ziga xos imzosiga aylanadigan binolarni loyihalashtiringlar. Har biringizning yaratuvchanlik ruhingiz, intilish va g‘oyalaringiz natijasida Vatanimizda o‘z davrining timsoliga aylangan, avlodlar faxr bilan eslaydigan me’moriy obidalar qad rostlashi kerak. Sizlarning chizgan loyihangiz, yaratayotgan inshootlaringiz nafaqat o‘quv jarayonidagi mashq, balki yurtimizning kelajak qiyofasini belgilab beradigan bebaho meros bo‘lishini istardim”, - deya ta’kidladi vazir. Shuningdek, talabalar tomonidan erishilayotgan yutuqlarni e’tirof etilib, ularga ilmiy izlanishlarda faol bo‘lish, xalqaro tanlovlarda munosib ishtirok etish va o‘z ustida doimiy ishlash zarurligi alohida qayd etildi.